2022 yilning 6 - iyun kuni TDIU SFda filial direktori professor O.Murtazayev boshchiligida  Оliy va o'rta maxsus ta'lim vazirligining 2022 -yil, 23 -maydagi ''Oliy ta'lim muassasalarining kompleks va maqsadli o'rganish to'g'risida"gi 180 - son buyrug'i asosida filialda 30 -maydan  4 - iyunga qadar o'tkazilgan maqsadli va kompleks o'rganishning natijalariga bag'ishlangan yig'ilish bo'lib o'tdi.

Kompleks o'rganish doirasida, xujjatlar bilan ishlash, jismoniy va yuridik shaxslarning murojatlariga ko'rsatilgan masalalarni ko'rib chiqish jarayonining to'g'ri tashkil etilganligi, o'quv jarayonini tashkil etilishi hamda Oliy ta'lim muassasasida kadrlar siyosatining yuritilishi holatlari bo'yicha o'rganilib xulosalar berilgan bo'lib, shu xususda yig'ilish tanqidiy ruhda olib borildi.

Unda quyidagi mas'alalar alohida ko'rib chiqildi:
1. Jismoniy va yuridik shaxslarning murojaatlari bilan ishlash holati.
2. Filialda ijro intizomning tashkil etilishi va xujjatlarning yuritilishi holati.
3. Filialda mehnat qonunchiliga rioya etish bo'yicha muhim masalalrni ko'rib chiqish.
4. Oliy ta'lim muassasining me'yoriy - uslubiy xujjatlari filial tomonidan ishlab chiqilganligi va kamchiliklar, e'tirozli holatlarini aniqlash
5. Oliy ta'lim jarayonlarini boshqarish HEMIS axborot tizimini ( Higher Education  Management Information Systems)
joriy etilganligi hamda foydalanish holati  

Ma'lumot o'rnida aytish lozimki bugungi kunda, filialda 1ta fakultet, 5ta kafedra, 12ta yo'nalish (bakalavriat ta'lim yo'nalishi 9ta, magistratura mutaxassisligi 3ta) mavjud hamda 1522 nafar (bakalavriat kunduzgi 826 nafar, sirtqi 486 nafar, ikkinchi oliy ta'lim sirtqi 146 nafar, magistratura 64 nafar) talaba tahsil olmoqda.

Yig'ilish yakunida kafedra mudirlari, fakultet dekani, bo'lim boshliqlari va tegishli masullarga kamchiliklarni to'girlash, ish jarayonini to'g'ri tashkil etilishi yuzasidan alohida topshiriq va ko'rsatmalar berildi.