2022-yil 03-iyun. TDIU Samarqand filialida Malayziyaning Linkoln universitet kollejining (LUC) Xalqaro hamkorlik boʻlimi boshligʻi, professor Rashid Abdulsalom Abdulloh bilan “Raqamli iqtisodiyot” (Biznes boshqaruv) taʼlim yoʻnalishi 121-guruh talabalari bilan yuzma-yuz uchrashuv boʻlib oʻtdi. Dastlab professor talabalarimizga Linkoln universitet kollejining xalqaro reytingdagi oʻrni, talabalarning Malayziyada oʻqish, amaliyot oʻtish va  yashashlari uchun yaratilgan sharoitlar haqida muhim ma'lumotlarni tushuntirib berdi. Uchrashuv samimiy va erkin muloqot tarzida tashkil etilib, talabalar o'zlarini qiziqtirgan savollariga professordan batafsil javob oldilar. Talabalarimizning Malayziyada o'qishni davom ettirishlari uchun belgilangan me'zon va talablar haqida fikr almashildi.

Maʼluot uchun: 2021-2022 oʻquv yilidan boshlab, TDIU Samarqand filiali va Malayziyaning Linkoln universitet kolleji oʻrtasida tuzilgan xalqaro shartnomaga asosan, 2+2 koʻrinishida qoʻshma taʼlim dasturi mavjud boʻlib, hozirda 14 nafar talaba tahsil olmoqda.