Toshkent davlat iqtisodiyot universiteti Samarqand filiali va Jomboy tumani Xalq taʼlimi boʼlimi oʼrtasida tuzilgan “Toshkent davlat iqtisodiyot universiteti Samarqand filiali tomonidan Oʼzbekiston Respublikasi Prezidentining 2020 yil 6 noyabrdagi 6108-sonli farmoni va 4884-sonli qarori ijrosi doirasida maktabda taʼlim sifatini oshirish boʼyicha chora-tadbirlar rejasi”ning bajarilishini taʼminlash maqsadida 2022 yil 28 may kuni Jomboy tumani Xalq taʼlimi boʼlimiga qarashli 10-sonli umumta`lim o`rta maktab 11-sinf bitiruvchilari va ularning ota-onalari bilan ushrashuv tashkil etildi.

Ushbu uchrashuvni maktab direktori A.Jumanov ochib berdi va bugun TDIU Samarqand filiali professor-o`qituvchilarinig tashrifidan maqsad maktab bitiruvchilarini oliy ta`lim muassasalariga o`qishga kirishlarida ularga tanlagan yo`nalishlari bo`yicha tavsiyalar berish, ota-onalar bilan bu borada suhbat o`tkazishdan iborat ekanligini ta`kidladi. A.K.Amonov maktab bitiruvchilari  hamda ularning ota-onalariga Respublikamizda faoliyat yuritayotgan akademiyalar, universitetlar, institutlar,  xorijiy universitetlarning O`zbekistondagi filiallari to`g`risida ma`lumotlar berildi.

Bitiruvchilar o`zlari tanlagan yo`nalishlari bo`yicha fanlardan tayyorgarlik ko`rib, fanlar bo`yicha tuzilgan test topshriqlari ustida o`zlariga biriktirilgan maktab o`qituvchilari bilan brgalikda shug`ulanishmoqda. Maktab kompyuterlariga o`rnatilgan test dasturlarida o`z  bilimlarini sinab ko`rishmoqda. Shuningdek telegram guruhi orqali o`quvchilarga o`quv-uslubiy materiallar, turli dajadagi test topshiriqlari berib borilmoqda.  

O`quvchilarga hujjatlarini topshirishda nimalarga e`tibor qratishlari lozimligi haqida Raqamli iqtisodiyot va axborot texnologiyalari kafedrasi mudiri A.K.Amonov va kafedra katta o`qituvchisi A.Raximovlar batafsil tushunchalar berishdi.

Uchrashuv davomida qabul jarayoni bilan bog`liq bo`lgan  ota-onalarning ko`plab savollariga batafsil javoblar berildi.  2022-2023 o`quv yilida oliy ta`lim muassasalariga qabul jarayonlari haqida batafsil to`xtalib o`tildi.