Joriy yilning TDIU SFda professor-o'qituvchi va talaba-yoshlari bilan “Ogohlik davr talabi”to'g'risida  uchrashuvi bo'lib o'tdi.
Uchrashuvda  filial talabalari orasida ijtimoiy-ma'naviy muhit barqarorligini ta'minlashga mas'ul bo'lgan direktor maslahatchisi G.M.Kurbanov kirish so'zi bilan ochib, kun tartibidagi mavzu bilan ishtirokchilarni tanishtirdi. 
Shundan so'ng so'z navbatini Samarqand shahar bo'yicha ichki ishlar organlari faoliyatini muvofiqlashtirish terrorizm va ekstremizmga qarshi ko'rashish bo'limi xodimi I.U.Toxirovga berdi. 

TADBIRDA: Samarqand shahar bo'yicha ichki ishlar organlari faoliyatini muvofiqlashtirish terrorizm va ekstremizmga qarshi ko'rashish bo'limi xodimi I.U.Toxirov so'zga chiqib, hozirgi kunda shiddat bilan o'zgarib borayotgan tahlikali davrda yashayotganligimizni, bir tomondan, uyushgan “Yoshlar orasida xuquqbuzarliklar profilaktikasi, jinoyatchilik, giyohvandlik, odam savdosi kabi tahdidlar bo'lsa, ikkinchi tomondan aksariyat yoshlar o'zlarining qimmatli vaqtlarini behuda sarflab, ijtimoiy tarmoqlardan kun bo'yi foydalanishlari haqida to'xtalib o'tdi.

Shu tariqa, ular deyarli barcha axborotga ega bo'lishadi va o'z dunyoqarashidan kelib chiqib, u yoki bu masalaga munosabat bildirishadi. Biroq bildirilgan munosabatlarning barchasini saviyali, ya'ni ma'naviyatli kishilarning fikri, deb bo'lmaydi, albatta. Ayniqsa, bugungi kunda yetarli bilim va ko'nikmalarga ega bo'lmagan kimsalar ham to'g'ri yo noto'g'riligini o'ylab o'tirmasdan, ijtimoiy tarmoqlarda tarqatilgan har qanday ma'lumot yuzasidan yoxud ba'zi masalalarga bilim va salohiyati yetadimi, yo'qmi, bundan qat'i nazar, o'z fikrini bildirishadi. 
Yoki o'zlarining yozgan “asarlari” yo “maqola”, «xabar», «she'r»larini ijtimoiy tarmoqlarga joylashtirib, bir-birlarini ko'klarga ko'tarib maqtashadi. Qizig'i shundaki, ba'zi odamlar aslida shu ishni qilish kerakmi, yo'qmi, degan ishtibohga ham bormaydi. Ijtimoiy tarmoqlarda havola etiladigan ma'lumotlarni «bezab turgan» g'aliz jumlalar hamda imloviy xatolar o'sha tarmoq foydalanuvchisining saviyasi qay darajada ekanligini ko'rsatib turadi. Bu esa ijtimoiy tarmoq foydalanuvchilarida ham afsuslanish, achinish holatlarini keltirib chiqaradi. Ba'zida esa ijtimoiy tarmoqlar orqali havola etilayotgan asossiz va saviyasiz ma'lumotlarning sanab adog'iga ham yetib bo'lmasligi hamda g'oyaviy tahdidlar-axborot xuruji, diniy ekstremizm va missionerlik harakatlari tinchlik va osoyishtalikka o'z ta'sirini o'tkazayotganligini, din niqobidagi siyosiy ekstremizm - allaqachon, milliy, etnik, diniy va hududiy xususiyatini yo'qotib, xalqaro muammoga aylanganligini ta'kidlab o'tdi.