TDIU Samarqand filiali Iqtisodiyot fakulteti Agrobiznes va investitsion faoliyat yoʻnalishi AIF-119 va AIF-219-guruhlariga “Agrobiznesni tashkil etish va boshqarish”, “Qishloq xo‘jaligida menejment”, “Fermer xo‘jaliklari faoliyatini iqtisodiy baholash” va “Tashqi iqtisodiy faoliyat va raqobat menejmenti” fanlari doirasida talabalarning amaliy bilimlarini yanada mustahkamlash borasida Agrobiznes va investitsion faoliyat bilan shugʻullanuvchi ishlab chiqarish korxonasi Payariq tumanidagi “Oʻzbegim-Agro” MChJ Oʻzbekiston-Germaniya qoʻshma korxonasida fakultet dekanati va filial oʻquv boʻlimi koʻmagida 2022 yil 16 aprel kuni 8 soatlik koʻchma darslar tashkil etildi. Koʻchma darslarni katta oʻqituvchi Gʻ.Ibragimov, assistentlar N.Shukurova va I.Shukurov olib bordilar. 

Talabalarni “Oʻzbegim-Agro” MChJ Oʻzbekiston-Germaniya qoʻshma korxonasi ijrochi direktori M.Mamaziyayev kutib oldi. Mezbon talabalarni korxonada koʻrib turganligidan xursandligini va korxona bilimini oshirishni istaganlar uchun doimo ochiq ekanligini hamda  TDIU Samarqand filiali bilan korxona rahbariyati oʻrtasida oʻzaro hamkorlik oʻrnatilganligini bildirib oʻtdi.
Dastlab talabalarga korxona toʻgʻrisida umumiy ma’lumotlar berildi. Korxonaning Agrobiznesga kirib kelishi, boshqaruv faoliyatining shakllanishi, investitsion faoliyat asosida Germaniyalik hamkorlar bilan ishlash mexanizmlari, Fermer xoʻjaligida ozuqa yetishtirish faoliyatini baholash, Tashqi iqtisodiy faoliyatining nimalarga asoslanganligi, Raqobatchilar bilan ishlash jarayoni, aynan raqobatchilar kimlar ekanligi, Korxona oldidagi muammolar va rejalar haqida soʻzlab berildi. Shundan soʻng, talabalar bilan dastlabki savol-javoblar oʻtkazildi.

Talabalarga sutni qayta ishlash binosi tanishtirildi. Undagi texnologiyalar toʻliq Germaniyadan keltirilgan boʻlib, sut mahsulotlarini turli qoʻshimchlarsiz biomahsulot holatida ishlab chiqarish imkonini beradi. Shuningdek, korxonada ishlab chiqarshni kengaytirish boʻyicha ishlar olib borilib, yangi sutni qayta ishlash sexi faoliyat olib borayotganligi aytib oʻtildi. Korxona hozirda Payariq, Ishtixon va Oqdaryo tumanlaridan sut qabul qilib olib, kunlik quvvati 20 tonnani tashkil etadi. Korxonaning asosiy muammosi xom-ashyo va kadrlar yetishmovchiligi hisoblanadi. Bu Agrobiznes yoʻnaishida ta’lim olayotgan talabalarga talab yuqori ekanligini koʻrsatdi.

Navbat boʻyicha talabalarga ozuqa yetishtirish uchun mo’ljallangan fermer xoʻjaligi faoliyati tanishtirildi. Talabalarda Samarqand viloyatida yagona korxona tashkil etgan “Himmat bogʻi” qiziqish uygʻotib, talabalardan ham uni yaratishda qatnashganlar boʻlganligi aytib oʻtildi.
Talabalar koʻchma dars davomida oʻzlarini qiziqtirgan savollarni erkin berish imkoniga ega boʻlishdi. Talabalar ham oʻzlarida korxona reklamasi, marketing faoliyati bo’yicha turli gʻoyalar, StartUplar shakllanganini va hamkorlik qilish istagini bildirib oʻtishdi. Talabalarni oʻquv amaliyotiga qabul qilish imkoniyatlari chamalandi.

Koʻchma dars davomida “Oʻzbegim-Agro” MChJ Oʻzbekiston-Germaniya qoʻshma korxonasi va  TDIU Samarqand filiali oʻrtasida oʻzaro hamkorlik shartnomasi tuzishga kelishib olindi. 

“Oziq-ovqat va qishloq xoʻjaligi iqtisodiyoti” kafedrasi katta oʻqituvchisi Gʻ.Ibragimov, assistentlar N.Shukurova va I.Shukurov