Joriy yilning 30-noyabr kuni A-bino 303-xonada Yoshlar bilan ishlash, ma'naviyat va ma'rifat bo'limi boshlig'i Y.Yu.Isomiddinov hamda "Korrupsiyaga qarshi kurash komplayens nazorat" bo’limi bosh mutaxassisi A.Axmedov boshchiligida 9-dekabr – "Xalqaro korrupsiyaga qarshi kurashish kuni" munosabati bilan "Biz korrupsiyaga qarshimiz" mavzusida davra suhbati o'tkazildi.  Mazkur davra suhbatida ma'ruzachilar Davlat va jamiyat taraqqiyoti uchun katta xavf tug’diruvchi illat bo’lgan korrupsiyani faqatgina tizimli kurash orqali yo’q qilish mumkin. Bu dunyo tajribasida o’z isbotini topgan.
Mamlakatimizda korrupsiyaga qarshi kurashish sohasida qonun hujjatlarini yanada takomillashtirish, fuqarolarning huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish borasida keng ko’lamli ishlar amalga oshirilmoqda. Ta’lim, sog’liqni saqlash, ijtimoiy ta’minot, davlat va jamiyat hayotining boshqa sohalarida ushbu jinoyatga oid huquqbuzarliklarni o’z vaqtida aniqlash, chek qo’yish, bunga imkon beruvchi sabab va omillarni bartaraf etish masalalari doimiy e’tiborda.
Xususan, “Korrupsiyaga qarshi kurashish to’g’risida”gi qonunning qabul qilinishi, shuningdek, Korrupsiyaga qarshi kurashish bo’yicha respublika idoralararo komissiyasining tashkil etilishi va korrupsiyaga qarshi kurashish bo’yicha Davlat dasturining tasdiqlanishi yurtimizda korrupsiya bilan bog’liq huquqbuzarliklarning oldini olishga qaratilgan qator chora-tadbirlarni samarali amalga oshirilishini ta’minlayotir.
Qisqa vaqt ichida korrupsiyaga qarshi kurashishning huquqiy mexanizmlarini takomillashtirishga oid beshta normativ-huquqiy hujjat, shu jumladan, “Huquqiy axborotni tarqatish va undan foydalanishni ta’minlash to’g’risida”gi, “Ma’muriy tartib-taomillar to’g’risida”gi, “Jamoatchilik nazorati to’g’risida”gi, “Davlat xaridlari to’g’risida”gi qonunlar qabul qilindi.
– Korrupsiyaga qarshi kurash bo’yicha huquqiy asoslarning mustahkamlanishi bu illatga to’siq qo’yishda jamoatchilikning, nodavlat notijorat tashkilotlarining, fuqarolarning faol ishtirok etishiga imkoniyat yaratib berdi.
Shuningdek, davra suhbatida talaba-yoshlarni huquqiy savodxonligining o’sishi korrupsiyaga qarshi kurashda muhim ahamiyatga ega ekanligiga e’tibor qaratildi. Ko’p hollarda huquqiy savodxonlikning yetishmasligi korrupsiyaning kelib chiqishiga sabab bo’layotir. So’zga chiqqanlar tomonidan ushbu yo’nalishda – aholining huquqiy bilimini o’stirishda talaba-yoshlarni faolligini oshirish yuzasidan qator taklif va tavsiyalar bildirildi.