Tanlovda kunduzgi ta'limda tahsil olayotgan 3-kurs talabalarimiz ishtirok etishi mumkin.   
Talabalarga Oʻzbekiston Respublikasi Prezidentining davlat stipendiyalarini tayinlash uchun quyidagi mezonlarni bajarish belgilanadi:
- umumtaʼlim tayyorgarligini ilmiy-tadqiqot (ijodiy ishlar) ishlari bilan uygʻunlashtirish;
- yoʻnalishlar boʻyicha konferensiya (tanlov)larda qatnashish;
- kamida ikkita eʼlon qilingan ishlar (asarlar)ning mavjudligi;
- tillarni — davlat tilini va bitta xorijiy chet tilni bilish (Mustaqil Davlatlar Hamdoʻstligi mamlakatlari davlat tillaridan tashqari), bakalavriatdagi taʼlim yoʻnalishi yoki magistraturadagi mutaxassislik xorijiy til boʻlgan taqdirda esa qoʻshimcha ravishda yana bitta xorijiy tilni bilish talab qilinadi;
- Oʻzbekiston tarixini bilish.
????️ Stipendiyalarni tayinlash uchun quyidagi mezonlarni bajarish belgilanadi:
- aʼlo oʻqish va ilmiy (ijodiy) ishlarda ishtirok etish (barcha fanlardan oʻzlashtirish
koʻrsatkichlari “aʼlo” (koʻpi bilan 25 foizi “yaxshi”) boʻlgan hamda ijodiy ishda qatnashadigan bakalavriat taʼlim yoʻnalishida oʻqiyotgan oxirgi ikki kurs);
- tillarni — davlat tilini va bitta xorijiy (Mustaqil Davlatlar Hamdoʻstligi mamlakatlari
davlat tillaridan tashqari) tilni bilish, bakalavriatdagi taʼlim yoʻnalishi xorijiy til hisoblangan alohida hollarda qoʻshimcha ravishda yana bitta xorijiy tilni bilish; Oʻzbekiston Respublikasi fuqarosi boʻlmagan shaxslar uchun esa oʻqish olib boriladigan tilni qoʻshimcha ravishda bilish talab qilinadi;
Davlat stipendiyalariga talabgorlar ushbu tillar boʻyicha oʻz bilimlari darajasini aniqlash uchun oʻqish joyidagi til kafedralarida maxsus suhbatdan oʻtadilar.
Davlat stipendiyasiga talabgorlar dastlabki koʻrib chiqish uchun ilmiy kengashga
quyidagilarni taqdim qiladilar:
sinov daftarchasidan koʻchirma;
dekanat, kafedraning tavsiyanomasi;
ilmiy (ijodiy) ish rahbarining fikr-mulohazasi;
tillar kafedrasining suhbat natijalari haqidagi maʼlumotnomasi.
Barcha hujjatlar jildga tikilgan yoki papkaga joylangan holda taqdim etiladi.
Muqovada davlat stipendiyasining nomi, talabgorning familiyasi, ismi va otasining ismi, fakulteti, kursi, guruhi koʻrsatiladi.

Murojaat uchun: S.Fazliyev - iqtidorli talabalarning ilmiy tadqiqot faoliyatini tashkil etish bõlimi boshliĝi (108 xona A bino)