Quyidagi sohalarda bo‘sh ish o’rinlari bor:

• Qishloq xo´jaligi (qulupnay terish, gulchilik, yig’im-terim, sut sog’ish va hakozo).

Dasturda qatnashish talablari:

• Faqat TDIU Samarqand filialida o’qiyotgan magistr yoki 2-3 bosqich bakalavriyatning kunduzgi va sirtqi ta'lim shakli talabasi bo´lishi
• Nemis yoki Ingliz tili bilimlari;
•  ta’til boshlanadigan sanadan boshlab Germaniyada kamida 2 oy bo’lish. Eng qulayi 3 oy. Boshqacha vaqtlar kelishilgan holda belgilanadi;
• Viza (Shengen viza) uzog’i bilan 90 kunga beriladi va bu vizani uzaytirib bo’lmaydi;
• Tajriba orttirishga bo´lgan kuchli istak;
• Qishloq xo´jaligi ishlarida tajribasi bo’lishi;
• Jismoniy sog’lom bo’lishi lozim.

Dasturning sizga foydasi:

• Ish haqi soatiga o’rtacha 9,50 €, mehnat haqi ish hajmi va sifatiga qarab yana o’zgarishi mumkin
• Haftasiga 40 soat va undan ko´proq ishlash imkoniyati;
• Ish beruvchi bilan kelishilgan holda bo’sh vaqtda Germaniya va Yevropa bo´ylab sayohat qilish;
• Nemis madaniyati bilan yaqindan tanishish va chet tili bilimlarini oshirish.

Biz ko‘rsatadigan xizmatlar:

• Sizga mos ish o´rinlari topib berish;
• Viza va ishlash uchun kerakli hujjatlarni tayyorlash;
• Hujjatlarni Germaniyadagi idoralarga taqdim qilish;
• Germaniyaga kelib joylashishga ko’maklashish.

Siz qilinadigan xarajatlar:

• Viza va bu bilan bog’liq xarajatlar;
• Aviabilet va yo´l xarajatlari;
• Kasallik sug’urtasi (Biz vositachi sifatida sizga mos sug’urtani topishga yordam beramiz).
• Umumiy hisobda dasturga 3 oylik uchun 600€+sug’urta uchun (taxminan 50€) (agar 2 oylik amaliyot bo’lsa 500 €+sug’urta) to´lanadi. Shu onda biz bilan shartnoma imzolanadi va bu o’sha vaqtdan kuchga kiradi. Viza olish uchun kichik tayyorlov suhbatini ham kichik hizmat haqi evaziga tashkil qilib beramiz. Viza olish faqat va faqat sizga so’ralgan hujjatlarning to’liqligiga bog’liq. Biz viza beruvchi idora yoki elchixona emasmiz.

Dasturda qatnashish uchun zarur hujjatlar:

Taqdim qilinadigan hujjatlar:

1. Xorijga chiqish pasportining nusxasi (vaqtincha tanlovda qatnashish uchun O'zbekiston fuqaroligi pasportini topshirishi mumkin);
2. Germaniya mehnat vazirligi tomonidan berilgan talabalikni tasdiqlovchi xujjat. Ilovadagi Immatrikulationsbescheinigung/enrolment ning nemis yoki ingliz tilida to´ldirilgan asl nusxasi (Oliygohdan imzo va muhr bo’lishi shart! Imzo va muhr dekanatdan olinadi. Namuna ilovada keltirilgan).
3. Talabalik guvohnomasi (tanlovdan o'tgandan talabalar uchun notarius tomonidan tasdiqlangan nusxasi (Nemis yoki ingliz tilida))
4. Reyting daftarchasi (tanlovdan o'tgandan talabalar uchun notarius tomonidan tasdiqlangan nusxasi (Nemis yoki ingliz tilida))
5. Oliy ta’lim rahbariyati tomonidan xalqaro amaliyotga topshirish uchun berilgan ruxsatnoma (Nemis yoki ingliz tilida)
6. Talaba tomonidan o’ziga tegishli xujjatlarini agentlik idoralariga topshirish uchun bergan rozilik xati.  (o’zi tomonidan nemis tilida yozilib, imzolanadi. Namuna ilovada keltirilgan)
7. Xaydovchilik guhovnomasi agar mavjud bo’lsa
8. Germaniya davlati tan oladigan Covidga qarshi vaksinatsiya qilinganlik sertifikati

Bizga faqat ilovadagi Immatrikulationsbescheinigung oliygoh imzosi va muhri orqali tasdiqlangandan so‘nggina yuqoridagi hujjatlar bilan sifatli Pdf formatda scan variantini world.internship.sbtsue.uz@gmail.com  ga jo‘nating! Hujjatlarning hammasi bitta faylda yuqoridagi tartibda jamlangan bo’lishi shart! Aks holda hujjatlar shunchaki ko’rib chiqilmaydi! Hujjatlarning asl nusxasini Xalqaro hamkorlik bo’limiga (B-bino 205-xona) taqdim qilishingiz kerak! HUJJAT TOPSHIRISH MUDDATI 2021 YILNING 30-NOYABRIGACHA

Ish joyi va ishning borishi haqida umumiy ma’lumotlar:

• Yotoq joyi ish beruvchi tomonidan beriladi yoki topishga yordam beriladi. Yotoq uchun oyiga 120€dan 250€ gacha bo’lgan summani talaba to’laydi. Yotoq tekin bo’lishi Germaniya soliq tizimi sababli mumkin emas. Yotoqxona va unga bog’liq sharoitlar oldindan xabar qilinadi.
• Xonalar 2 kishilikdan 4 kishilikgacha. Ovqat pishirish uchun sharoitlar yaratib beriladi. Oziq-ovqat va yashash uchun kerak bo’ladigan boshqa xarajatlar talabalarning bo‘ynida. Magazinga borishda ish beruvchi ko’maklashishi mumkin yoki yashash joyi yaqinida magazinlar bo’ladi.
• Ish kiyimlari talabalarning o’zida bo’lishi kerak. Bu narsa maxsus ish kiyimlariga ham taalluqli. Boshqa talab qilinadigan anjomlar bo’lsa, alohida oldindan xabar beriladi. Bu haqida aniq ma’lumotlar ish joyi aniq bo’lgandan keyin beriladi. Talabalardan bu haqda kelishlaridan oldin bizdan so’rashlari talab qilinadi.
• Ish soatlari haftasiga 40 soat. Sharoitga qarab ko’proq bo’lishi mumkin. Lekin hamma ishlangan soatlar uchun pul to’lanadi. Bu narsa Germaniya qonunlarida belgilangan.
• Institut tomonidan talabaga berilgan ta’til muddati Immatrikulationsbescheinigung da yozilgan. Talabaning shu hujjat asosida kela olishiga qarab, xo’jalik tanlanadi va ishning boshlanish sanasi belgilanadi. Masalan, qulupnay terimiga asosan 1-iyundan, kartoshka va olma terishga sentyabr oylaridan bo’sh ish o’rinlari bor. Bu talabalar bilan individual holda kelishiladi.
• Talabaning ish haqi soatiga o’rtacha - 9,50€ ni tashkil qiladi ya’ni talaba ish bajarish hajmi va sifatiga qarab ortishi yoki kamayishi ham mumkin. Bu degani talabaning oylik maoshi o’rtacha 1500€ atrofida.
• Talabalar ish joylariga guruh-guruh bo’lib joylashtiriladi. Yolg’izlanib qolmaysiz.

Dasturga ketadigan taxminiy harajatlar:

• Dastur badali  600€
• Sog’liq sug’urtasi 50€
• Viza to’lovi      100€
• Aviachipta taxminan 700€
• Yo’l harajatlari (Germaniya ichida) 30-50€

Ma'lumot uchun: +99893-343-74-89