Yoshlarni oliy ta’limga jalb etish zamon talabiga aylandi. Qalbida ta’lim olish istagi bor bo‘lganlar uchun bugun imkoniyatlar eshigi ochiq. So‘nggi yillarda yurtimizda nainki oliy ta’limga qabullar soni oshdi, balki, xorijda o‘qiyotgan o‘zbekistonlik talabalarning o‘qishlarini o‘z yurtiga ko‘chirish bo‘yicha tartiblar soddalashtirildi. Shunday bo‘lsada, ayrim fuqarolar mazkur yo‘nalishda turli muammolarga duch kelishmoqda. Dilnoza Usmonova ham Qozog‘izton Respublikasida o‘qiyotgan farzandining o‘qishini Toshkent davlat iqtisodiyot universiteti Samarqand filialiga ko‘chirishda yarim yillik shartnoma puli to‘langan bo‘lsada, chet davlatdan kelgan talabalar ro‘yxatida o‘g‘lining ismi sharifi ko‘rsatilmaganligidan shikoyat qilib, farzandining o‘qishini Samarqandda davom ettirishda amaliy yordam so‘rab murojaat qildi.
Holat Toshkent davlat iqtisodiyot universiteti Samarqand filiali mas’ullari tomonidan o‘rganib chiqildi. Shuningdek, O‘zbekiston Respublikasi Vazirlar Mahkamasining 2017 yil 20 iyundagi 393-sonli qarori bilan tasdiqlangan “Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risida"gi nizomning 6-bandiga asosan D.Usmonovaning murojaati yuzasidan tushuntirish berildi.
Shuningdek, oilaviy sharoiti tufayli o‘qishini kunduzgi ta’lim yo‘nalishidan sirtqi ta’lim yo‘nalishiga ko‘chirish to‘g‘risida murojaat qilgan M.Atabayeva hamda R.Islomovning murojaatlari ham o‘z muddatida filialning mas’ullari tomonidan o‘rganib chiqildi va qonun doirasida ijobiy hal etildi.
Filial direktoriga ortiqcha to‘langan kontrakt pulini qaytarib olish uchun ariza bilan murojaat qilgan talabalar B.Fayzullayev hamda J.Ochilovlarning arizalari ham o‘rganib chiqildi va filial hisobchilari tomonidan ortiqcha kontrakt to‘lovi tegishli hisob raqamlariga o‘tkazib berildi.
magistr.edy.uz platformasida ko‘rsatilgan maqsadli qabul natijalaridan noroziligi to‘g‘risida murojaat qilgan fuqaro E.O‘razaliyevning murojaatlari Toshkent davlat iqtisodiyot universiteti Samarqand filialida 2021 yil 11 sentyabr kuni o‘quv va tarbiyaviy ishlari bo‘yicha direktor o‘rinbosari dotsent F.Axrorov, 2021/2022 o‘quv yili qabuli bo‘yicha mas’ul Yo.Eshonqulov, magistratura qabuli bo‘yicha mas’ul S.Abdivohidov hamda murojaatchi ishtirokida ko‘rib chiqildi. O‘zbekiston Respublikasi Prezidentining 2021 yil 22 iyundagi “2021-2022 o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” gi PQ-5157-son qarorining 2-ilovasi va O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasining 2021 yil 2 iyuldagi 1-son bayonnomasining 4-ilovasiga muvofiq tushuntirish berildi.
Navoiy viloyati, Navoiy shahrida yashovchi fuqaro E Yaxyoyevning Toshkent qishloq xo‘jaligi va agrar universiteti talabasi bo‘lgan farzandining o‘qishini TDIU Samarqand filialiga ko‘chirish to‘g‘risidagi murojaati yuzasidan murojaatchiga “2021/2022 o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” PQ-5157-son qarori 7-bandi v-qismiga asosan uning murojaati uzrli sabablar mavjud bo‘lmagan holat deb topilishi to‘g‘risida tushuntirish berildi.