2021 yil 10 sentyabr soat 16:00   A bino 203-xonada “Buxgalteriya hisobi, moliya, soliq va statistika” kafedrasining kengaytirilgan yig‘ilishi bo‘lib o‘tdi. Yig‘ilishda kafedra a’zolari bilan bir qatorda filial rahbariyati va boshqa turdosh OTMlardan professor-o‘qituvchilar qatnashdi. Kun tartibida kafedra assistenti, mustaqil tadqiqotchi Mardonov Mamed Shavkatovichning “Raqamli iqtisodiyot sharoitida korxonalar innovatsion faoliyati hisobini takomillashtirish” 08.00.08-“Buxgalteriya hisobi, iqtisodiy tahlil va audit” ixtisosligi bo‘yicha iqtisodiyot fanlari bo‘yicha falsafa doktori (Phd) ilmiy darajasini olish uchun yozilgan dissertatsiya muhokama qilindi.  Qizg‘in muhokama tarzida o‘tgan yig‘ilishda tadqiqot mavzusi 08.00.08-“Buxgalteriya hisobi, iqtisodiy tahlil va audit” ixtisosligi bo‘yicha mos kelishi hamda O‘zbekiston Respublikasi Oliy Attestatsiya Komissiyasining falsafa doktorlik dissertatsiyalariga qo‘yiladigan talablariga javob berishi ta’kidlandi. Yig‘ilish qatnashchilari dissertatsiya ishini keyingi bosqichga tavsiya etdilar hamda bu yo‘lda tadqiqotchiga omad tiladilar.