Ayni paytda Toshkent davlat iqtsodiyot unversiteti Samarqand filiali direktori, professor O.Murtazayev Samarqand davlat universitetida 21-23 iyun kunlari bo'ladigan "O'zbekiston-Vengriya rektorlar forumi" mintaqaviy uchrashuvida qatnashmoqda.

Yangi O'zbekistonning 3-renessans davrida yoshlarni xalqaro talablarga mos ravishda yetuk kadr qilib tarbiyalash maqsadida bugungi kunda bir qancha islohotlar olib borilmoqda. Barchamizga ma'lumki yoshlarning bir qismini talabalar tashkil qiladi. Talabalarga yangicha qulayliklar va shart-sharoitlar yaratish maqsadida bugun O'zbekiston va Vengriya davlatlari o'rtasida rektorlarning ilk marotaba forumi o'z ishini boshladi.

Shuningdek, forum doirasida Oʻzbekiston Respublikasi Oliy va oʻrta maxsus ta'lim vaziri Abduqodir TOSHQULOV va Vengriya Tashqi iqtisodiy aloqalar va tashqi ishlar vazirligi Vengriya Diplomatik akademiyasi va “Stipendium Hungaricum” dasturi Davlat kotibi Orsoyo PATSAI-TOMASHICH (Dr. PACSAY-TOMASSICH Orsolya) oʻrtasida tor doirada uchrashuv boʻlib oʻtdi.

Uchrashuvda:

-ikki mamlakat oʻrtasida qoʻshma diplomlar berish imkoniyatiga ega boʻlgan qoʻshma taʼlim dasturlarini yaratish;

-venger mutaxassislarini Oʻzbekistondagi oliy oʻquv yurtlarida qisqa muddatli maʼruzalarga taklif qilish;

-Vengriya OTM bazasida oʻqituvchilarning malakasini oshirish, qoʻshma ilmiy nashrlar, talabalar va oʻqituvchilar almashinuvini yoʻlga qoʻyish;

-Vengriya universitetlari bilan kimyoviy texnologiyalar, energetika, mashinasozlik, sanoat texnologiyalari, biotexnologiya, sugʻorish va suv resurslari, qishloq xoʻjaligi, tibbiyot, farmakologiya, farmatsevtika sohalarida hamkorlik oʻrnatish va rivojlantirish masalalari muhokama doirasida boʻldi.