Joriy yilning 17-aprel kuni bosh vazir boshchiligida o‘tkazilgan Maxsus komissiya yig‘ilishi qorori hamda O’zbekiston Respublikasi Sog’liqni Saqlash vazirligi Samarqand shahar sanitariya- epidemiologiya osoyishtalik va jamoat salomatligi bo’limining 2021-yil 24-apreldagi 87-sonli qarori xulosasiga binoan, kasallik aniqlangan hudud ikki haftalik karantinga olinishi va masofaviy faoliyat yuritishi borasida aytib o’tilgan edi. Talaba-yoshlar o‘rtasida koronavirus infeksiyasi keng tarqalishini oldini olish, shuningdek xo’jalik xodimidan “Covid-19” aniqlanganligi tufayli TDIU Samarqand filiali o‘quv jarayoni 2021-yil 27-apreldan 10-mayga qadar (14 kun)  masofaviy shaklda o’qish tashkil etilgan edi.
Bugungi kunda Samarqand shahri bo‘yicha epidemiologik vaziyat murakkabligicha qolmoqda. Shu sababli Samarqand shahar hokimligi huzuridagi epidemiyaga qarshi kurashish favqulodda komissiyasi yig‘ilishi bayoniga asosan, shahardagi oliy ta’lim muassasalarida o‘quv jarayonlari joriy yilning 25 may kuniga qadar masofaviy tarzda davom ettiriladi.
Filial professor-o’qituvchilari tomonidan 25 mayga qadar o‘quv jarayoni, masofaviy shaklda, ZOOM va Moodle platformalari orqali, dars jadvalida belgilangan vaqtlarda o‘tilishi  tashkil etildi. Shuningdek,  oraliq va yakuniy nazoratlar “online” olinadi. 
Vaziyat yuzasidan o'zgarish bo'lganda qo'shimcha axborot beramiz. O'zingizni va yaqinlaringizni ehtiyot qiling, sanitariya-gigiyena qoidalariga rioya qiling!

TDIU Samarqand filiali
Matbuot xizmati