Xalqimizning qadimiy va asl qadriyatlaridan biri bu-hashardir. Uning zamirida obodlik, hamjihatlik, mehr-oqibat, xayr-saxovat, bunyodkorlik kabi ezgu maqsad mujassam. Ana shunday ezgu maqsadlar ro’yobini amalga oshirish maqsadida 2021-yilning 13-mart sanasida TDIU Samarqand filialida “Navro’z bayrami” taraddudida hashar tadbirlari o’tkazildi.
Hasharda filialning ishchi-hodimlari, professor-o’qituvchilar hamda ko’ngilli talaba-yoshlar ishtirok etdilar. Filial yon-atroflarini supurilib, ariqlarning ichlari chiqindilardan tozalandi, o’quv auditoriyalari hamda kutubxonalar tartibga keltirildi. Bundan tashqari, oliygohimizning mehnatkash jamoasi tomonidan bayram sayllarida xalqimiz va chet el mexmonlari to’planadigan Samarqand shahrida joylashgan saylgoh va xiyobonlarda obodonlashtirish ishlari davom ettirildi.