2021 yil 17-fevral kuni Pastdarg’om tumani 28- UDUMning faollar zalida tuman xalq ta’limiga qarashli maktablarni biologiya fanlari o’qituvchilari bilan metod birlashma kuni doirasida “Biologiya fanlarini o‘qitishda mavjud muammolar va ularni bartaraf etishda metodik tavsiyalar”  mavzusida Toshkent davlat iqtisodiyot universiteti Samarqand filiali professor – o’qituvchilari bilan semenar-trening tashkil etildi.

Semenar-treningda Toshkent davlat iqtisodiyot universiteti Samarqand filiali biologiya fani o’qituvchisi, dotsent Bobomuradov Ziyodulla Sayfiddinovich so’zga chiqib, biologiya fanlarini o’qitishda umumta’lim maktablarida ta’lim sifati va samaradorligi hamda o‘qituvchilarning kasbiy mahoratini tahlil qilib, fanni o’qitish jarayonida mavjud muammolar va ularni bartaraf etish chora tadbirlariga tuxtalib o’tdi va bu jarayonga tegishli aniq metodik tavsiyalarini o’qituvchilarga taqdim etdi. Semenar- treningda Z.Bobomuradov umumta’lim maktablari bilan OTMlar o‘rtasida hamkorlik ishlarini olib borish jarayonida ta’lim tizimini rivojlantirish, ilm-fan va innovatsiyalarni taraqqiy ettirish, yosh o’qituvchilarni zamonaviy bilim va tajribalar, mustaqil va mantiqiy fikrlaydigan, ezgu fazilatlarini shakllantirish hamda tashabbuslarini ro‘yobga chiqarilishi yo‘lga qo‘yilishi kerakligini seminar ishtirokchilariga ta’kidlab o‘tdi.

Tuman xalq ta’limiga qarashli umumta’lim maktablari biologiya fani o‘qituvchilari uchun Z.S.Bobomuradov tomonidan metodik yordam sifatida amaliy va laboratoriya mavzularini sifatli tashkil etishda amaliy va laboratoriya mashg‘ulotlari bo‘yicha vedio ishlanmalar hamda biologiya fanidan ko‘rgazmali o‘quv materiallarini tayyorlash jarayoni aks ettirilgan vediolavhalar, nazariy darslar uchun mavzular kesimida vediodarslar, taqdimotlar, mavzulashgan test materiallari yetkazib berildi. Seminar – treningda o’qituvchilar faol ishtirok etishdi va umumta’lim maktablari bilan OTMlar o‘rtasida hamkorlik borasidagi ishlarni yanada takomillashtirish haqida fikr va mulohazalar bildirildi.

​