Toshkent davlat iqtisodiyot universiteti Samarqand filialida O‘zbekiston yoshlar ittifoqi hamda Yoshlar bilan ishlash, ma’naviyat va ma’rifat bo‘limi tashabbusi bilan Prezidentimiz Shavkat Mirziyoyevning Oliy Majlisga Murojaatnomasi mazmun-mohiyatini targ‘ib etishga bag‘ishlangan davra suhbati bo‘lib o‘tdi.

Tadbirda filialning professor-o‘qituvchilari, talaba-yoshlari ishtirok etdi.

Davra suhbatida “Iqtisod” fakulteti dekani H.Turdibekov, Yoshlar bilan ishlash, ma’naviyat va ma’rifat bo‘limi Y.Isomiddinov, O‘zbekiston yoshlar ittifoqi filial yetakchisi B.Baxodirovlar mazkur tarixiy Murojaatnoma davlat va jamiyat hayotining turli jabhalarini yanada rivojlantirish, inson huquq va manfaatlarini ta’minlash, taraqqiyotimizning yangi bosqichi uchun dolzarb vazifalarni belgilab berganini qayd etdi.

Davra suhbatida davlat va jamiyat qurilishi, sud-huquq tizimidagi islohotlar, qonun ustuvorligini ta’minlash, iqtisodiyotni rivojlantirish va liberallashtirish, xavfsizlik, millatlararo totuvlik va diniy bag‘rikenglikni ta’minlash, tashqi siyosatdagi ustuvor yo‘nalishlarga bag‘ishlangan ma’ruzalar tinglandi.

Tadbirda ishtirokchilarni qiziqtirgan savollarga atroflicha javob qaytarildi.