Toshkent iqtisodiyot universiteti Samarqand filialida Qurolli Kuchlarimiz tashkil topganining 29 yilligi hamda 14 yanvar – Vatan himoyachilari kuni munosabati bilan bayram tadbiri bo‘lib o‘tdi.

Unda ilm-fan, madaniyat namoyandalari, harbiylar, professor-o‘qituvchilar, talaba-yoshlar ishtirok etdi.

Tadbirda O‘zbekiston Respublikasi Kurolli Kuchlari tashkil etilishi tarixi, uning hayotimizdagi ahamiyati va o‘rni haqida so‘z bordi. Vatan himoyasi faqatgina harbiylarning emas, balki barchamizning sharafli va mas’uliyatli burchimiz ekanligi ta’kidlandi.

Bugungi tinch va osuda hayotimiz fidoyi harbiylarimizning zahmatli mehnati evaziga, albatta, – dedi filialning 2 bosqich talabasi Fatullayev Muxiddin. – Bolaligimdan harbiylik kasbiga qiziqaman. Akalarimdek Vatanimizni himoya qilishni orzu qilaman. Bu orzu, albatta, huquqni muxofaza qiluvchi organlar, Qurolli Kuchlarimizga bo‘lgan havas tufayli ko‘nglimdan joy olgan. Bugungi tadbirda harbiy bilim va ko‘nikmalarga ega bo‘ldim.

Tadbir doirasida konsert dasturi namoyish etildi.