Samarqand shahridagi yoshlar markazida O‘zbekiston Respublikasi Prezidenti huzuridagi Davlat xizmatini rivojlantirish agentligi va uning hududiy filiali tashabbusi bilan tadbir tashkil etildi.

Agentlikning O‘zbekiston yoshlar ittifoqi Samarqand viloyat kengashi va yoshlar ishlari agentligi viloyat boshqarmasi hamkorligida o‘tkazilgan tadbirda Davlat xizmatini rivojlantirish agentligi direktorining birinchi o‘rinbosari, “Liderlar” kitobi muallifi Otabek Hasanov 21 yoshdan 30 yoshgacha bo‘lgan 500 nafardan ziyod iqtidorli, faol talaba-yoshlar hamda davlat organlari va tashkilotlarida faoliyat yuritib kelayotgan yosh kadrlar bilan bilan ochiq muloqot o‘tkazdi. Ushbu tandibrda filial talabalari faol ishtirok etishdi.

Muloqotda, shuningdek davlat xizmatida yoshlar va xotin-qizlarning ulushini oshirish, ochiq mustaqil tanlov asosida ishga qabul qilish tizimi vacancy.argos.uz sayti haqida tushuncha berildi. Yoshlarni vatanparvarlikka chorlovchi ijtimoiy rolik namoyish etildi.

Filial Matbuot xizmati