Toshkent davlat Iqtisodiyot universiteti Samarqand filialining "Shams akademiyasi ixtirochilik ilmiy amaliy maktabi"ning Jizzax viloyatiga chegaradosh bo’lgan Bulung’ur tumani Go’bdin mahallasida joylashgan 31-sonli umumiy o’rta ta’lim maktabida maxsus filiali tashkil etildi. Filialning strategik missiyasiga ko’ra, uzoq hududlarda joylashgan maktablarda o’quvchi yoshlarga shart-sharoit yaratib bergan holda ta’lim sifatini oshirishga xizmat qilishdir. Bu o’z navbatida uzoq qishloqlarda yashaydigan yoshlarni shahar markazlariga qatnab vaqt va xarajat sarf qilishlarini kamaytiradi.
Tashkil etilgan filialda 1-sinf o’quvchilaridan boshlab bitiruvchi sinf o’quvchilarigacha alohida dars guruhlari tashkillashtiriladi. O’quvchilarga matematika, fizika, bialogiya, ingliz tili, ona tili va adabiyot, kompyuter savodxonligi, robototexnika kabi bir qator fanlar chuqurlashtirib o’tiladi. Tadbirda TDIU Samarqand filiali masullari, maktab xodimlari, ota-onalar hamda OAV xodimlari ishtirok etishdi.

Eslatib o’tamiz, Tumanda tashkil etilgan filialda sohaning yetuk muttaxassislari borib dars o’tab kelishlari uchun maxsus transportlar ajratildi.