2024 yil, 18 sentyabr kuni Toshkent davlat iqtisodiyot universiteti Samarqand filialida "Raqamli iqtisodiyot va axborot texnologiyalari" kafedrasi proffesor-o‘qituvchilari dots. A.Amonov, (PhD) A.Karimov, (PhD) R.Eshimov hamda assistentlar A.Abdinobiyev va S.Isroilovlar tomonidan nashr etilgan "Tadqiqot usullari" o‘quv qo‘llanma taqdimoti bo‘lib o‘tdi.

Ushbu o‘quv qo‘llanma “Tadqiqot usullari va ko‘nikmalari” fani doirasida talabalarga iqtisodiyot sohasida tadqiqot usullari va metodologiyalarini qo‘llashda va amaliyotga joriy etishda bilimlar berish bilan bir qatorda ularda tizimli yondashuvni shakllantirishdan iborat.

O‘quv qo‘llanma “Tadqiqot usullari va ko‘nikmalari” faniga oid barcha mavzular bo‘yicha talabalarga davlat taʼlim standartlari asosida yetkazilishi shart bo‘lgan minimum bilimlar va ko‘nikmalar to‘la qamrab olingan.

Unda fanining o‘qitilishi taʼlim yo‘nalishlariga mos holda rejalashtirilishi ko‘zda tutilgan.

O‘quv qo‘llanma “Tadqiqot usullari va ko‘nikmalari” fanidan darslik va o‘quv qo‘llanmalarning hozircha respublikamizda o‘zbek tilida mavjud emasligini inobatga olgan holda tayyorlandi.