2024-yil 7-sentyabr kuni Toshkent davlat iqtisodiyot universiteti Samarqand filiali  “Yashil iqtisodiyot va barqaror biznes” kafedrasi dotsenti, iqtisod fanlari nomzodi Samar Abdurashidovich Aliqulov, Samarqand viloyati Qo‘shrabot tumaniga qarashli 72-umumiy o‘rta ta’lim maktabiga 1000 dona umumiy qiymati 50 million so‘mlik kitob jamlanmasini sovg‘a sifatida topshirdi hamda ushbu kitob jamlanmalari bo‘yicha kitob taqdimoti o‘tkazildi.
Kitob taqdimotida TDIU Samarqand filiali “Yashil iqtisodiyot va barqaror biznes” kafedrasi mudiri, dotsent O.Pardayeva, kafedra dotsenti Sultonov Beknazarlar ham kitob taqdimotini o‘tkazdi.
Shuningdek, maktab o‘qituvchilari uchun seminar-trening ham tashkil etildi. Dotsent S.Aliqulov esa maktabning 7-8-9 sinflar uchun mahorat darsini o‘tkazdi.Taqdimot tadbirida maktab direktori F.Sayfiddinov, maktab o‘qituvchilari B.G‘ozibekov, A.Aliqulov  va nafaqadagi tajribali o‘qituvchilar Po‘latov B, Toyirov B, Qo‘shrabot tumani Maktabgacha va maktab ta’limi bo‘limi boshlig‘i va xodimlar, Tegirmonovul MFY faollari,  xotin-qizlar, keksa oqsoqollar faol ishtirok etdilar. 

Tadbir yakunida madaniy-ma’rifiy kecha va sport tadbirlari  o‘tkazildi.