Toshkent davlat iqtisodiyot universiteti Samarqand filialining ijtimoiy tarmoqlardagi rasmiy sahifalarida filialda faoliyat olib borayotgan xotin-qizlarlarni jismoniy tarbiya va sportga bo‘lgan havas va intilishini hamda jamiyatimizda sog‘lom turmush tarzi tamoyillarini kuchaytirish maqsadida  filialda faoliyat olib borayotgan xotin-qiz professor-o‘qituvchilar, xodimalar va talaba-qizlar o‘rtasida  sportning badminton turi bo‘yicha o‘tkaziladigan sport musobaqalari bo‘yicha e’lon joylashtirildi(https://t.me/TDIUSF_Ax/62326).                             
 E’londa musobaqa o‘tkazilish sanasi, o‘tkazilish tartibi bo‘yicha ma‘lumotlar berildi. Jumladan musobaqa 2024-yil 24-25-yanvar kunlar musobaqa Toshkent davlat iqtisodiyot universiteti Samarqand filiali sport zalida olimpiya o‘yinlari tartibida o‘tkazilishi, g‘olib va sovrindorlar Toshkent davlat iqtisodiyot universiteti Samarqand filiali rahbariyati tomonidan taqdirlanishi va musobaqada ishtirok etishni hohlovchi xotin-qiz professor-o‘qituvchilar, xodimalar va talaba-qizlar belgilangan tartibda to‘ldirilgan talabnomani musobaqa bosh hakami Sh.Mizomovga taqdim etishi to‘g‘risida ma’lumotlar ham joylashtirildi. 
Shu munosabat bilan filialda faoliyat olib borayotgan xotin-qiz professor-o‘qituvchilar, xodimalar va talaba-qizlar o‘rtasida  o‘tkaziladigan sport musobaqasida ishtirok etish uchun kafedralar, bo‘limlar va talaba qizlar tomonidan bosh hakam filial sport klubi raisi o‘rinbosari Sh.Mizomovga belgilangan tartibda to‘ldirilgan xotin-qiz professor-o‘qituvchilar, xodimalardan 15 nafar va talaba-qizlardan 18 nafar ishtirokchilar talabnomalarni taqdim etishdi.

Ishtirokchilar  o‘rtasida qur’a tashlash yo‘li bilan o‘yinlar aniqlandi. Murosasiz ravishda bo‘lib o‘tgan musobaqa natijalariga ko‘ra quyidagi xotin-qiz professor-o‘qituvchilar va talaba qizlar g‘olib va sovrindorlikni qo‘lga kiritishdi.  
Xotin-qiz professor-o‘qituvchilar, xodimalar o‘rtasida

1-o‘rinni  O‘zbek tili va xorijiy tillar kafedrasi o‘qituvchisi Rofiyeva Bunafsha Rustamovna,

2-o‘rinni  Moliya, soliq va bank ishi kafedrasi o‘qituvchisi Do’stmurodova Sarvinov Habib qizi

3-o‘rinlarni  Moliya, soliq va bank ishi kafedrasi o‘qituvchilari Umurzoqova Shoxsanam Farhodovna va Ochilova Ibodat G‘ulom qizi qo'lga kiritishdi.

Talabalar o‘rtasida esa 1-o ‘rinni Iqtisodiyot fakulteti 1-bosqich  QXI-123 guruhi talabasi  Zoxidova Sevara Sardor qizi,

2-o‘rinni “Buxgalteriya hisobi va moliya” fakulteti 1-bosqich SA-123 guruhi talabasi Mamatova Shahrizoda Davron qizi  

3-o‘rinlarni  “Buxgalteriya hisobi va moliya” fakulteti 3-bosqich BI-121 guruhi talabasi Narzullayeva Zuhra Abdullo qizi va Iqtisodiyot fakulteti 1-bosqich  IQT-223 guruhi talabasi Romanova Laura Tulabbergenovnalar o‘rinlarni qo‘lga kiritishdi.

G‘olib va sovrindorlar filial ma‘muriyati tomonidan diplom va esdalik sovg‘alari bilan taqdirlanishdi.