Oliy ta’lim, fan va innovatsiyalar vazirligi hamda filialimiz vakillaridan iborat delegatsiyaning Germaniyadagi tashrifi davom etmoqda. 24-25 yanvar kunlari delegatsiya vakillari, filialimiz o'quv ishlari bo'yicha direktor o'rinbosari, dotsent F.B.Ahrorov,  “Xorijiy oliy ta’lim muassasalari bilan hamkorlikdagi qo‘shma ta’lim dasturlarini muvofiqlashtirish” bo‘limi mutaxassisi Sh.Yuldashev hamda Oliy ta’lim, fan va innovatsiyalar vazirligining bosh mutaxassisi U.Abdullaevlar Germaniyaning "STAFF&DA" kompaniyasining Working&Travel dasturi bo'yicha  hamkor korxona va fermer xo'jaliklariga tashrif buyurishdi. U yerlardagi yashash sharoitlari va amaliyot obyektlari bilan tanishdi, talabalarga yanada kengroq imkoniyatlar yaratish masalasida fikr almashishdi.

Shuningdek, Germaniyaning “KARCHER” kompaniyasida amaliyot o’tayotgan “Buxgalteriya hisobi va audit” ta’lim yo’nalishi sirtqi ta’lim shakli 5 boshqich talabalari bilan uchrashdi.  Kelgusida hamkorlikni yana kengaytirish bo'yicha kelishib olishdi.