Toshkent davlat iqtisodiyot universiteti Samarqand filialida 2024-yil 24-yanvar kuni faollar zalida  filial rahbariyati va professor-o‘qituvchilari ishtirokida yig‘ilish bo‘lib o‘tdi. Yig‘ilishda filial direktori, professor  O.Murtazayev , davlatimiz rahbari Shavkat Mirziyoyev raisligida 22-dekabr kuni Respublika Ma’naviyat va ma’rifat kengashining kengaytirilgan yig‘ilishda ko‘rilgan masalalari va belgilangan vazifalar yuzasidan amalga oshirilayotganligi haqida to'xtalib o'tdilar.

So‘nggi yillarda ma’naviy-ma’rifiy sohalarda katta ishlar amalga oshirilmoqda. Ma’naviyat va ijodni qo‘llab-quvvatlash maqsadli jamg‘armasi hamda Ijtimoiy-ma’naviy tadqiqotlar instituti tashkil etildi. Respublika Ma’naviyat va ma’rifat markazi tizimidagi xodimlar soni ikki karra oshirildi, ularni moddiy rag‘batlantirish choralari ko‘rildi.

“Madaniy faoliyat va madaniyat tashkilotlari to‘g‘risida”gi qonun qabul qilingani soha rivojida muhim ahamiyatga ega bo‘ldi. Milliy an’analarimizni asrab-avaylash va boyitish maqsadida Maqom, Baxshichilik va Askiya san’ati markazlari tashkil etildi. Shuningdek, “Bahor” raqs ansambli, Davlat filarmoniyasi, Davlat simfonik orkestri kabi 20 dan ortiq muassasalar faoliyati yo‘lga qo‘yildi. 11 ta yangi muzey, 2 ta teatr, 28 ta bolalar musiqa va san’at maktabi, 5 ta oliy ta’lim muassasasi tashkil etildi va korxona va muassasalarda oyning bir kuni “Teatr kuni” deb belgilanib, xodimlarning teatrlarga borishi yo‘lga qo‘yilishi haqida vazifalar belgilab olindi. 

Yig‘ilishda yoshlar masalalari va ma’naviy-ma’rifiy ishlar bo‘yicha direktor o‘rinbosari, X.Turdibekov,  ilmiy ishlar va innovatsiyalar bo‘yicha direktor o‘rinbosari Z. Abdullayev,  va o‘quv-uslubiy bo‘lim boshliqlarining  ma’ruzalari tinglandi.

Ma’ruzalar davomida o‘tkazilgan ma’naviy-ma’rifiy tadbirlar, sport musobaqalri, o‘quv jarayonlarining tashkil etilishi, fakultet professor-oʻqituvchilarning ilmiy va o‘quv faoliyati yuzasidan qilingan ishlari tahlil qilindi, ilmiy himoyalar va o‘quv jarayonlarini sifatli tashkil etish kabi masalalarda tegishli topshiriqlar berildi.