Joriy yilning 30-noyabr kuni, TDIU SF Iqtisodiyot fakulteti, 2-bosqich, 122-gurux, OOTB qo‘shma ta’lim yo‘nalishi talabalari "O‘simlikdan olinadigan  oziq-ovqat mahsulotlarini ishlab chiqarish texnologiyasi" fanidan reja asosida "Jomboy don mahsulotlari” AJ ga “Tabiiy, ijtimoiy fanlar va jismoniy madaniyat” kafedrasi assistenti E.Z.Isoqova rahbarligida tashrif buyurishdi. 
U yerda g‘alla don mahsulotlaridan un, yorma va kepak mahsulotlarini ishlab chiqarish jarayonlari bilan yaqindan tanishishdi. Korxona hozirgi vaqtda 1 smenada ishlash quvvatiga ega bo‘lib, 12 soat mobaynida korxona tegirmonidan 150 tonna un  va talab va ehtiyojdan kelib chikib, 50 tonnagacha yorma ishlab chikarilar ekan. Shuni ham ta’kidlab o‘tish joizki, korxona 2019 yilda Turkiya davlatining texnologiyasi asosida yangi zamonaviy texnologiyalar yordamida qayta jihozlangan bo‘lib, yuqori quvvatga ega. Barcha bajariladigan ishlar kompyuter texnologiyalari asosida boshqarilib, korxonada malakali texnolog kadrlar faoliyat yuritishadi. 
Ushbu ko‘chma dars davomida talabalar o‘zlarini qiziqtirgan barcha savollariga javoblar olishdi.