Ulug‘bek Ashurning 2023 yil 31 oktyabrdagi “Negativ” dasturidagi majburiy ko‘chat ekish va obuna yuzasidan munosabat.

Ma’lumki, “Yashil makon” umummilliy loyihasini amalga oshirish chora-tadbirlari doirasida yiliga 200 million tup daraxt va buta ko‘chatlarini ekish, shu orqali shaharlardagi yashil maydonlarni hozirgi 8 foizdan 30 foizga oshirish rejalashtirilgan.
Shu munosabat bilan Toshkent davlat iqtisodiyot universiteti Samarqand filiali xodimlari, professor-o‘qituvchilari va talaba yoshlari bilan birgalikda daraxt ekish ishlarini amalga oshirib kelmoqda. Bunda barcha ko‘chatlar filialning byudjetdan tashqari mablag‘lar hisobidan xarid qilingan. 

Toshkent davlat iqtisodiyot universiteti Samarqand filiali professor-o‘qituvchilari uchun 10 donadan ko‘chat uchun oylik maoshlaridan ushlab qolinmagan. “Zarafshon” gazetasiga ham majburiy obuna uchun  ish haqidan ushlab qolinmagan. O‘qituvchilar uchun joriy yilning oktyabr oyi uchun ish haqi hali hisoblanmagan. O‘qituvchilarga ish haqi 1-noyabrdan keyin bank plastik kartalariga o‘tkazib beriladi.