A.S.Pushkin nomidagi Samarqand viloyat axborot-kutubxona markazida "Kitobxonlik haftaligi" doirasida o’tkazilayotgan tadbirda talabalar ishtirok etishdi.
Mamlakatimizda “Kitobsevar millat” III Respublika kitobxonlik haftaligi doirasida targ‘ibot tadbirlari o‘tkazilmoqda. Shu munosabat bilan 2023-yil 11-aprel kuni axborot-kutubxona markazida o’tkazilayotgan tadbirda  Toshkent davlat iqtisodiyot universiteti Samarqand filiali ta’lim-tarbiya maslahatchilari va talabalar ishtirok etdi. Bunday tadbirlar talaba-yoshlarni kitobxonlikka qiziqishlarini yanada oshirish, kitobxonlikni rivojlantirish, talabalarning bo‘sh vaqtlaridan samarali foydalanish, kitobxonlikni yoshlar ongiga singdirish bilan bir qatorda ularning ma’naviyati va salohiyatini rivojlantirishda muhim ahamiyat kasb etadi. Shuningdek axborot-rusurs markazida haftalik doirasida Muhammad Yusufning 69 yilligiga bag`ishlab “Oddiy o`zbek yigitining muhabbati”nomli badiiy musiqali kecha ham bo'lib o'tdi. Samarqand shahar 3-sonli musiqa maktabi, Samarqand tumani 10-IDUM va Samarqand shahar 46-umumta’lim maktabi o’quvchilari o’zlari tayyorlab kelgan she’r hamda qo’shiqlari, sahna ko’rinishlarini namoyish etishdi. Bundan tashqari talabalar A.S.Pushkin nomidagi Samarqand viloyat axborot-kutubxona faoliyati, fondda mavjud adabiyotlar, gazetalar, jurnallar, elektron kutubxonada yaratilgan shart-sharoitlar bilan ham yaqindan tanishishdi. O’zlarining qiziqtirgan savollariga axborot-resusr markazi xodimlari tomonidan javoblar oldilar. Talabalarda  axborot-kutubxona markazi katta taa’surot qoldirdi.