TDIU Samarqand filiali professor-o‘qituvchilari: “Buxgalteriya hisobi, soliq va moliya” kafedrasi dotsenti, PhD M.Mardonov, katta o‘qituvchi D.Vafoxojayeva, “Oziq-ovqat va qishloq xo’jalik iqtisodiyoti” kafedrasi katta o‘qituvchisi, PhD G‘.Ibragimov, Xorijiy OTMlar bilan hamkorlikda qo‘shma ta’lim dasturlarini muvofiqlashtirish koordinatori Sh.Yuldashev va doktorant I.Baymurodova shuningdek loyiha a’zosi Sh.Ishniyazovalar  AgroDev loyihasi doirasida 10 apreldan Latviya davlatining Jelgava shahrida joylashgan Latviya amaliy fanlar va texnologiyalar universitetiga xizmat safarini boshladi. Vakillarimiz 10-23 aprel oralig‘ida Latviyaning Jelgava shahridagi Latviya Amaliy fanlar va texnologiyalar universiteti va Polshaning Krakov shahridagi Krakov Agrar Univeritetida filial rektorining 2021 yil 16-yanvardagi 30-y sonli buyrugʻi 3-band – “Filialning oʻquv va texnik salohiyatini oshirish” 3.1-“Filialning professor-oʻqituvchilarini Yevropa Ittifoqining hamkor oliy oʻquv yurtlariga malaka oshirishga yuborish” qismining ijrosini taʼminlash yuzasidan xizmat safarida bo‘lishlari rejalashtirilgan bo‘lib, ular Yevropa Ittifoqi universitetlarda ta'lim tizimini va unda qo‘llanilayotgan pedagogik texnologiyalarni o‘rganishadi; agrobiznes korxonalarida ishlab chiqarish jarayoni, marketing tizimi va tadqiqotlari; agrosanoat tizimi korxonalarida mahsulotlarni qayta ishlash, saqlash va eksport qilish; agroxizmat korxonalarida agrar sohaga ko‘rsatiladigan xizmatlar va ularning kalkulyatsiyasi; agroturizmni tashkil etish va undagi muvaffaqiyatlar va hokazo dastur doirasidagi tadbirlarda qatnashishlari mo‘ljallangan. 
     Mazkur safar bilan bog‘liq barcha xizmat safari xarajatlari Yevropa Ittifoqi Erasmus+ dasturi AgroDev loyihasi tomonidan qoplanadi. Vakillarimizga safar davomida muvaffaqiyatlar tilab qolamiz.

FOTO: