O‘zbekiston hududlari bo‘ylab yangi Konstitutsiya bo‘yicha 30-aprel kuni bo’lib o’tadigan referendum oldidan «Konstitutsiya meniki, seniki, bizniki! Konstitutsiya o‘zimizniki» shiori ostida targ‘ibot tadbirlari, konsert dasturlari o‘tkazilmoqda. Ularda estrada yulduzlari, sportchilar, davlat idoralari vakillari, jamoat arboblari, tadbirkorlar chiqish qilmoqda. Shunday targ’ibot tadbirlaridan biri 2023-yil 8-aprel kuni Toshkent davlat iqtisodiyot universiteti Samarqand filialida “Yangi O’zbekiston konstitutsiyasi - bu mening konstitutsiyam" shiori ostida bo‘lib o‘tdi. Unda TDIU Samarqand filialining 1000 dan ziyod talaba-yoshlari, professor-o‘qituvchilar va  ta’lim-tarbiya maslahatchilari ishtirok etishdi. Tadbirda o’quv ishlari bo’yicha deriktor o’rinbosari F.B.Axrorov, filial talabalar orasida ijtimoiy-maʼnaviy muhit barqarorligini taʼminlashga maʼsul direktor maslahatchisi  G’.M.Qurbanov, Samarqand davlat tibbiyot Universiteti xirurgiya kaferdrasi mudiri Z.Qurbanniyazov va talabalar so‘zga chiqib, konstitutsiyamizning mazmun-mohiyati va referendumning ahamiyati haqida so‘z yuritishdi. 
Ma’ruzachilar o’z ma’ruzalaridan so’ng 30-aprel kuni Konistitutsiya qonun loyihasi bo‘yicha o‘tkaziladigan Referendumda faol qatnashishini va o‘zining kelajagiga befarq bo’lmagan  barchani faol bo‘lishga chaqirdi. Tadbir ishtirokchilari qo‘llariga «Seniki», «Meniki», «Bizniki», «Konstitutsiya — o‘zimizniki» yozuvlari tushirilgan rang-barang plakatlar, shuningdek, «O‘zbekiston Respublikasining referendumi — 2023» yozuvi aks etgan O‘zbekiston Davlat bayrog‘ini ko‘tarib chiqishdi. Vatanparvarlik ruhidagi Samarqand shahar madaniyat boshqarmasi xodimlari va sirtqi bo’lim talabalari tomonidan ijro etilgan kuy-qo‘shiqlarga ulanib ketgan mazkur tadbir barchaga birdek xushkayfiyat ulashdi.