XX asrning oxirlarida tabiiy ekologik sistemalarga salbiy ta’sirning kuchayishi tufayli tabiatning barqaror rivojlanishi buzildi. Biotexnogen funksional xususiyatlarini aniqlaydigan ilmiy-texnika yutuqlari bilan tabiatning ekologik chegaralari o‘rtasida katta qarama-qarshilik yuzaga keldi va buning natijasida «Hayot xavfsizligi», «Ekologik xavfsizlik» kabi muammolar paydo bo‘ldi. Bu muammolarni yechish o‘z navbatida insonni atrof-muhit, ishlab chiqarish va yashash muhiti o‘rtasida, bir-biriga doimiy ta’sir qilish kuchlarini har tomonlama tahlil qilish va baholash natijasida muhitda yuzaga keladigan, kutilmagan tabiiy og‘ir holatlardan. doimiy xavfli hududlardan chiqib ketish chora-tadbirlarini ko‘rish imkonini yaratadi. Buning uchun tabiat va jamiyat o‘rtasidagi doimiy aloqalarning asl ma’nosini chuqur o‘rganish katta axamiyatga egadir. Ishlab chiqarishning hamma soxalarida ishlaydigan, tabiiy muxitda yashaydigan aholi tabiat va jamiyat o‘rtasidagi tabiiy, iqtisodiy qonunlarni yaxshi bilishlari kerak.
2023 yil 29-mart kuni soat 11 00 da 404 A xonada “Tabiiy, ijtimoiy fanlar va jismoniy madaniyat” hamda “Oziq ovqat va qishloq xo‘jaligi iqtisodiyoti” kafedralari qoshida olib boralayotgan “EKOLOGIYA VA YASHIL IQTISODIYOT” talabalar ilmiy fan klubining navbatdagi “EKOLOGIYa VA ATROF MUHIT MUXOFAZASI” TRENING KURSI bo’lib o’tdi.
Trening kursda “EKOLOGIYA VA YASHIL IQTISODIYOT” talabalar ilmiy fan klubining raisi, dotsent Z.S.Bobomuradov “BIOSFERA. BIOSFERANING TARKIBI VA BARQARORLIGI” mavzusida maruzali chiqishni amalga oshirdi.
Trening kursda mavzuga mos qo’yidagi savollar ko’rib chiqildi:
- Biosfera haqida tushuncha;
- Biosferada tirik organizmlarning funksiyalari;
- Tirik organizmlarning xilma-xilligi va ularning Yer sharida tarqalishi, quruqlik va okean biomassalari;
- Biosferada moddalarning davriy aylanishi va energiyaning o‘zgarishi;
- Biosfera evolyusiyasi.
“BIOSFERA. BIOSFERANING TARKIBI VA BARQARORLIGI” mavzusidagi trening kursi davra suhbatidagi muhokama va takliflarida Biosfera tushunchasi, Biosfera haqida V.I.Vernadskiy ta’limoti. Biosfera strukturasi va barqarorligi. Biosferani tarkibi. Biosferani geografik qobig‘i litosfera, gidrosfera va atmosfera qatlamlari. Ozonosfera. Biosferani tarkibi, chegaralari, resurslari va barqarorligi. Biosferani chegarasi. Atrof-muhitni sog‘lamlashtirish, uning musaffoligini go‘zal tabiatni saqlab qolish. Biosferani barqarorligini saqlash muammolari. Ozon qatlami va unga salbiy ta’sir etuvchi omillar. Biosfera evolyusiyasi haqida. Noosfera haqida tushuncha haqida ma’lumotlar keltirildi.
