O‘zbekiston Respublikasi Prezidentining “Iqtidorli yoshlami aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida” 2019-yil 3-maydagi PQ-4306-son, “Ijtimoiy himoyaga va yordamga muhtoj aholi qatlamlarini moddiy qo‘llab-quvvatlashga doir qo‘shimcha chora-tadbirlar to‘g‘risida” 2022-yil 29-apreldagi PQ-230-son qarorlari hamda Vazirlar Mahkamasining “Iqtidorli o‘quvchilar o‘rtasida fan olimpiadalarini o‘tkazish tizimini takomillashtirish hamda xorijiy tillarni o‘qitish bo‘yicha eng yaxshi maktabni aniqlash tizimini joriy etish to‘g‘risida” 2021-yil 9-sentabrdagi 562-son qarori ijrosini ta’minlash maqsadida Samarqand shahrida joylashgan 20-maktabda 9-10-11-sinf oʻquvchilari oʻrtasida "Xalqaro iqtisod" fanidan viloyat (saralash) olimpiadasi oʻtkazildi. Samarqand viloyatidagi mavjud maktablar, ixtisoslashgan maktablar, Prezident maktablari oʻquvchilaridan jami 112 kishi qatnashdi.
Olimpiadaning saralash bosqichini Maktabgacha va maktab ta’limi vazirligining Fan olimpiadalarini o‘tkazish va iqtidorli o‘quvchilarni saralash boshqarmasi tomonidan o‘tkaziladi. Olimpiadaning saralash bosqichida hududiy Maktabgacha va maktab ta’limi boshqarmalari tomonidan Tashkiliy qo‘mita shakllantirilgan bo`lib Unda filial "Oziq-ovqat va qishloq xoʻjalik iqtisodiyoti" kafedrasi dotsenti v.b., PhD Bekzod Janzakov va katta oʻqituvchi, PhD Gʻayrat Ibragimovlar hakamlar hayʼati aʼzosi sifatida ishtirok etishdi.
Xalqaro olimpiadaning ochilish marosimida mutasaddi tashkilot rahbarlari tabrik so‘zlari bilan ishtirok etib, talabalarni qo‘llab-quvvatlashdi.
Olimpiada natijalariga ko`ra 1-oʻrinni - Narpay tumanidan Ibrohimova Mohinur O`tkir qizi, 2-oʻrinni - Oqdaryo tumanidan Hamzayev Islom Hamid o`g`li, 3-oʻrinni - Kattaqoʻrgʻon shahridan Zuvaytov Xondamir Otabek o`g`li egallashdi va Respublika bosqichiga yoʻl olishdi.
Olimpiadaning hududiy bosqichida 1-,2-,3-o‘rinlarni qo‘lga kiritgan o‘quvchilar olimpiadaning yakuniy Respublika bosqichida qatnashish huquqini qo‘lga kiritishdi.
