Biz yoshlar konstitutsiyani ozgarishiga befarq emasmiz” mavzusida 
davra suhbati  tashkil etildi.
2023-yil 23 -mart kuni Toshkent davlat iqtisodiyot universiteti Samarqand filialida “Biz yoshlar konstitutsiyani ozgarishiga befarq emasmiz” mavzusida davra suhbati  tashkil etildi. Davra suhbatida yuristkonsul’t M.M.Xolmatov, ta’lim-tarbiya maslahatchilari va talabalar ishtirok etishdi. Ma’ruzachi o’z so’zida O‘zbekistonning har bir fuqarosi 30-aprel kuni bo‘lib o‘tadigan katta siyosiy tadbirni intiqlik bilan kutayotganligini, chunki konstitutsiya taqdiri xalqimiz taqdiri, bugungi va ertangi kelajagi bilan chambarchas bog‘liq. Konistutsiya qonun loyihasi bo‘ycha umumxalq muhokamalarida jami 222 ming 715 ta taklif kelib tushgan va ularning 25 foyizi loyihaga kiritilgan. Respublikamizda so‘ngi yillarada keng miqyosda islohotlar amalga oshirildi. Albatta bularning barchasida bosh qonunimizning o‘rni katta. Yangilanayotgan konstitutsiya inson qadrini yanada yuksaltirish, huquq va manfaatlarini himoya qilishi bilan bog‘liq o‘zgashlarni o‘zida mujassam etayotgani bilan ahamiyatli. Vatanimizning ertangi taraqqiyoti, istiqboli yoshlarga bog‘liq. Shu bois yoshlar masalasiga muhim e’tibor qaratilib kerakli sharoitlar yaratib berilmoqda. Bu jarayon bosh qomusimiz loyihasida ham katta o‘rin egallagani Yangi O‘zbekistonda yoshlar siyosati ustivor ekanligini aytib o’tdi. M.M.Xolmatov barchani Konistitutsiya qonun loyihasi bo‘yicha o‘tkaziladigan Referendumda faol bo‘lishga chaqirdi. Shuningdek davra suhbati davomida Shavkat Mirziyeyovning Prezidentlik lavozimiga kelganidan so‘ng amalga oshgan ayrim islohotlari, jumladan  bolalar mehnatiga barham berilishi, “oq oltin”ning ta’limdan ustun qo‘yilishi ortidan yillarki dalalarda paxta tergan o‘qituvchilarning bu majburiyatdan ozod etilishi, plastik kartochka mablag‘larini naqdlashtirishdagi sarsongarchilikning tugatilishi, ommaviy axborot vositalari faoliyatining erkinlashishi haqida tushunchalar berildi. Davra suhbatida  ishtirokchilar o‘zlarini qiziqtirgan barcha savollariga mutaxassis tomonidan atroflicha javob olishdi.