2023- yil, 16- mart kuni Toshkent davlat iqtisodiyot universiteti Samarqand filialining "Raqamli  iqtisodiyot va axborot texnologiyalari" kafedrasi mudiri, dotsent Amonov Adham Kamolovich tashabbusi bilan RI 119- guruh talabalari va "Elektron hukumat" fani o'qituvchisi Djumayev Sindor Ne’matovich boshchiligida Samarqand shahridagi Davlat xizmatlari markaziga tashrif buyurishdi. 
Talabalar davlat  xizmatlaridan foydalanish, u yerdagi qulaylik va aholi uchun yaratilgan sharoitlar bilan yaqindan tanishishdi. 
Shu bilan birgalikda hozirgi kunda yaratilgan my.gov.uz saytining ishlash prinsiplari, hamda yangi o'rnatilgan xizmatlar haqida ham ma'lumotlarga ega bo'lishdi. Davlat xizmatlari markazi ma'sul xodimlari boshchiligida markazning tuzilishi va undagi shart-sharoitlar haqida ham qisqacha ma'lumotlar berildi. Talabalar o'zlarini qiziqtirgan savollarga javob olishdi.