2023-yil, 4-yanvar kuni  Toshkent davlat iqtisodiyot universiteti Samarqand filialiga Germaniyaning O`tish davri iqtisodiyotli mamlakatlarida qishloq xo`jaligini rivojlantirish Leybnits ilmiy-tadqiqot instituti (IAMO) direktori, professor Tomas Glauben rasmiy tashrif buyurdi. 

Tashrif davomida Filial direktori professor Olim Murtazaev va filialning boshqa rasmiylari bilan muzokaralar olib borildi. 
Muzokaralar yakuni bo`yicha IAMO direktori Tomas Glauben hamda TDIU SF direktori Olim Murtazaevlar tomonidan o`zaro hamkorlik memorandumi imzolandi. 

Memorandumda quyidagi sohalarda hamkorlikni rivojlantirishga kelishildi:
1. O‘zbekiston qishloq xo‘jaligi sohasida samaradorlikni tadqiq qilish.
2. Qishloq xo‘jaligi qo‘shilgan qiymat zanjirlarining jahon bozorlarida integratsiyalashuvi.
3. Qishloq xo‘jaligi sug‘urtasi va risklarni boshqarish.
4. Iste'molchi xatti-harakati va innovatsiyalarni jalb qilish.
Ushbu sohalardagi tadqiqot ishlari quyidagi yo'nalishlar asosidagi tadbirlar o'z ichiga oladi:
 I Qishloq xo'jaligi bozorlari va qadriyatlar zanjirlarini birgalikda tahlil qilish.
II  raqamli risklarni boshqarish vositalari va ilovalarini joriy etish.
III  seminarlar va uchrashuvlarda qatnashish.
Kelgusida IAMO va TDIUSF o`rtasidagi hamkorlik ilmiy-tadqiqot ishlarini rivojlantirish va ta`lim sifatini oshirishga xizmat qiladi.