Kecha, 26-noyabr kuni Davlat test markazi Samarqand viloyati bo‘limi tomonidan Samarqand shahar Samarqand davlat chet tillari institutining faollar zalida “Korrupsiya – rivojlanishimizga to'siq” mavzusida ochiq muloqotlar bo'lib o'tdi.

Ochiq muloqotda masʼul xodimlar tomonidan O‘zbekiston Respublikasining “Korruptsiyaga qarshi kurashish toʼgʼrisida”gi Qonuni, O‘zbekiston Respublikasi Prezidentining 2019-yil 27-maydagi “O‘zbekiston Respublikasida korrupsiyaga qarshi kurashish tizimini yanada takomillashtirish chora-tadbirlari toʼgʼrisida”gi PF-5729-sonli Farmonining mazmun-mohiyati hamda "Xalqaro korrupsiyaga qarshi kurashish kuni"ga bag'ishlab Aksilkorrupsiya haftaligi doirasida o'tkaziladigan tadbirlar to‘gʼrisida o‘quvchilarga tushunchalar berildi.

Shuningdek, bugungi kunda yurtimizda taʼlim-tarbiya sohasida olib borilayotgan islohotlar, yoshlarimizga bilim, taʼlim-tarbiya olishlari uchun yaratilayotgan sharoitlar, yoshlarimiz bunday imkoniyatlardan toʼgʼri va oqilona foydalanishlari shartligi, odob-axloq, tartib-intizom, kiyinish va muomala madaniyati, taʼlim muassasalarida oʼquvchilarning boʼsh vaqtlarini mazmunli oʼtkazishlari uchun yaratilgan sharoitlar haqida gapirib oʼtildi.

Shuningdek, taʼmagirlik, moddiy yoki maʼnaviy manfaat uchun oʼz or-nomusini sotmaslik, hammaga birdek taʼlim-tarbiya berish, nopok ishlarga yoʼl qoʼymaslik, oʼqituvchilar tomonidan oʼquvchilarga davlat taʼlim standartlari asosida yetarlicha bilim berishlari va shu asosida oʼquvchilardan talab qilishlari lozimligi aytib o’tilib, Oʼzbekiston Respublikasining “Korrupsiyaga qarshi kurashish toʼgʼrisida”gi qonunida pora oluvchi, pora beruvchi va vositalik qiluvchiga ham teng jazo belgilanganligini taʼkidlab oʼtildi.

Muloqot so’ngida talaba-yoshlardan “Davlat test markazi tizimida korrupsiyaviy omillarni o‘rganish bo‘yicha” ijtimoiy so‘rovnoma ham olindi.