ILMIY-TADQIQOT YO‘NALISHI

Toshkent davlat iqtisodiyot universiteti Samarqand filiali ilmiy-pedagog kadrlar tayyorlash bo‘yicha istiqbolli rejasida ko‘satilgan vazifalarni amalga oshirishda “Ta’lim to‘g‘risida”gi Qonun va Kadrlar tayyorlash Milliy dasturi, O‘zbekiston Respublikasi Prezidentining 2017 yil 16 fevraldagi “Oliy o‘quv yurtidan keyingi ta’lim tizimini yanada takomillashtirish to‘g‘risida”gi PF-4958-sonli Farmoni va O‘zbekiston Respublikasi Vazirlar Mahkamasining 2017 yil 22 maydagi “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi 304-sonli qarori, Vazirlar Mahkamasining 2020 yil 6 noyabrdagi “Ilmiy darajali kadrlarni tayyorlash jarayonlarining shaffofligini ta’minlash va samaradorligini oshirish chora-tadbirlari to‘g‘risida”gi 696-son qarori,  Vazirlar Mahkamasining 2021 yil 27 avgustdagi “Ilmiy va innovatsion faoliyatni boshqarish tizimini tashkil etish chora-tadbirlari to‘g‘risida”gi 545-son qarorlarirga  asosan tayanch doktorant va mustaqil izlanuvchilarning kelajakda doktorlik dissertatsiyasini himoya qilishda samaradorlikni yanada oshirish, ya’ni intellektual potensialni ko‘tarish maqsadida xalqaro standart va usullarga tayangan holda Vazirlar Mahkamasi Qarorlari, Oliy va o‘rta maxsus ta’lim vazirligi Hay’at qarorlari, buyruq va yo‘riqnomalari hamda filial Kengashi majlisi qarorlarini dastur sifatida qabul qilib, muntazam o‘rganib borish va ilmiy-tadqiqot jarayoniga tatbiq etishga asosiy e’tibor qaratilgan.

Istiqbolli rejada ko‘rsatilganidek tayanch doktorantlar, mustaqil izlanuvchi va yosh o‘qituvchilar doktorlik dissertatsiyalarini o‘z vaqtida himoya qilishlari uchun barcha imkoniyat va shart-sharoitlar yaratilib berilmoqda.

Ilmiy tadqiqot va innovatsion faoliyatni  rivojlantirish bo‘yicha Filialda oliy ta’limdan keyingi ta’lim tizimini takomillashtirish maqsadida 2019 yil 30 oktyabrda 08.00.04 – “Qishloq xo‘jaligi iqtisodiyoti” ixtisosligi bo‘yicha oliy o‘quv yurtidan keyingi ta’lim institutini ochish bo‘yicha Oliy va o‘rta maxsus ta’lim vazirligiga murojaat qilingan edi. Oliy va o‘rta maxsus ta’lim vazirligining 2020 yil 3 martidagi 1/5 sonli Hay’at qarori bilan ruxsat berildi. Tayanch doktoranturaga 2021 yil uchun 4 (to‘rt) ta kvota ajratish uchun Oliy va o‘rta maxsus ta’lim vazirligiga xat bilan murojaat qilindi va vazirlik tomonidan 2 (ikki)ta kvota ajratildi. Shuningdek stajyor tadqiqotchilikka ham 1(bir)ta kvota ajratildi.

08.00.04 – “Qishloq xo‘jaligi iqtisodiyoti” ixtisosligi bo‘yicha oliy o‘quv yurtidan keyingi ta’lim institutiga 2022 yil uchun 4 ta kvota ajratilgan. Hozirda filialda yana qo‘shimcha 4 ta ixtisoslik 08.00.07-“Moliya, pul muomalasi va kredit”, 08.00.08-“Buxgalteriya hisobi, iqtisodiy tahlil va audit”, 08.00.15-“Tadbirkorlik va kichik biznes iqtisodiyoti”, 08.00.16-“Raqamli iqtisodiyot va xalqaro raqamli integratsiya” ixtisosliklari bo‘yicha oliy ta’limdan keyingi ta’lim institutini ochilgan bo‘lib, 2023 yil uchun kvota olish rejalashtirilgan.

Shuningdek joriy yilda institutda ilmiy salohiyatni oshirish maqsadida doktorlik dissertatsiyasini himoya qiladiganlar miqdorini oshirishga qaratilgan moddiy-ma’naviy samarali mexanizmlarni ishlab chiqish borasida qator ishlar amalga oshirilmoqda.

Filialda ilmiy salohiyatni oshirish, talaba va magistrlarni ilmiy maktablarga jalb qilish maqsadida iqtidorli yoshlar bilan talabalikning ilk bosqichlaridanoq maqsadli ishlashni keskin faollashtirish, ularni ayniqsa moliyalashtirilayotgan ilmiy-tadqiqot faoliyatiga kengroq jalb qilish, oliy ta’limning bakalavriat va magistratura hamda Oliy ta’limdan keyingi ta’limning tayanch doktorantura hamda mustaqil izlanuvchi bosqichlari orasidagi mantiqiy uzviylikni ta’minlash orqali ilmiy va ilmiy-pedagog kadrlar tayyorlash salmog‘ini oshirish borasida ishlar aniq rejalar asosida olib borilmoqda.

Buning asosi sifatida iqtidorli talabalarni ilmiy to‘garaklarga jalb etish, ularni chuqurlashtirilgan dastur asosida o‘qitish kabi vazifalar dekanat va kafedralar zimmasiga yuklatilganligini, o‘qitish jarayonida talabalarning intellektual salohiyatini oshirish maqsadida zamonaviy texnologiyalar va mustaqil ishlash texnologiyalari qo‘llanilish talab etilayotganini ko‘rsatib o‘tishimiz mumkin.

Fakultetdagi iqtidorli talabalar guruhi tarkibidan ilmiy-tadqiqot ishlari olib borish ko‘nikmasiga ega bo‘lgan iqtidorli talabalarni tanlab olish, O‘zbekiston Respublikasi Prezidenti va nomdor Davlat stipendiyalari uchun o‘tkaziladigan tanlovlarda, xalqaro tanlovlarda, olimpiadalarda, ilmiy va metodologik seminarlarda ishtirok etishlarini ta’minlash maqsadida har bir kafedrada yig‘ilish o‘tkazilib, aniq vazifa va tadbirlar belgilangan.

Toshkent davlat iqtisodiyot universitetida Samarqand filiali sohaning dolzarb muammolari bo‘yicha xalqaro va respublika ilmiy-amaliy anjumanlari o‘tkazilib kelinmoqda.

TDIU SAMARQAND FILIALIDA DOKTORANTURADA TAHSIL OLAYOTGAN   MUSTAQIL IZLANUVCHILAR FAOLIYATINING SAMARADORLIGI TO‘G‘RISIDA MA’LUMOT