Joriy yilning 14-oktyabr kuni TDIU Samarqand filiali faollar zalida “O‘zLiDeP Samarqand viloyati Kengashi tomonidan “Saylov qonunchiligi takomillashtirishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g’risida hamda “Mening birinchi ovozim” shiori ostida saylov targ’ibot tadbiri bo‘lib o‘tdi. Tadbirni TDIU Samarqand filiali direktori professor O.Murtazayev ochib berib, tadbir qatnashchilariga savlov, O‘zbekistondagi partiyalar va ularning nomzodlari haqida ma’lumotlar berib o‘tdi.
Tadbirda O‘zLiDeP Samarqand viloyati Kengashi yoshlar bilan ishlash bo‘limi mudiri S.Abduraxmanov, Samarqand davlat chet tillar instituti 2-bosqich talabasi (Kelajak liderlar klubi a’zosi) E.Buriyevlar ishtirok etishdi. Dastlab tadbirda saylov haqida umumiy tushunchalar berdilar so‘ngra O‘zLiDeP a’zolari  partiya targ’ibot  va tashviqot ishlarini olib bordilar. Tadbir ko‘tarinki kayfiyat bilan savol-javob shaklida yakunlandi.