Toshkent davlat iqtisodiyot universiteti Samarqand filiali direktori bilan talabalar o‘rtasida “Direktor va yoshlar” uchrashuvi tashkil qilindi.

Mamlakatimizda yoshlarga bo‘lgan e’tibor, o‘sib kelayotgan barkamol avlodga bo‘lgan g‘amxo‘rlik davlat siyosati darajasiga ko‘tarilgani bilan ham juda ahamiyatlidir. Yoshlar uchun qaratilgan e’tibor, ularni qo‘llab — quvvatlash darajasi kun sayin ortib borayotgani o‘g‘il-qizlar uchun ko‘plab imkoniyatlar eshigini ochib bermoqda. Zero yoshlar vatan kelajagi, ertangi kunning bunyodkorlaridirlar.

2021 yil 4 fevral kuni Toshkent davlat iqtisodiyot universiteti Samarqand filiali direktori, professor O.Murtazayev filialda tahsil olayotgan talabalar o‘rtasida “Direktor va yoshlar” uchrashuvi bo‘lib o‘tdi. Shuningdek ushbu uchrashuvda direktor o‘rinbosari F.Axrorov, Ta’lim sifatini nazorat qilish bo‘limi boshlig‘i I.G‘aniyev, fakultet dekani X.Turdibekovlar ham ishtirok etishdi.

Uchrashuvda filiali direktori, professor O.Murtazayev mamlakatimizda olib borilayotgan yoshlarga oid davlat siyosatining mazmun-mohiyati va uning maqsadi haqida gapirdi. Islohotlar zamirida yoshlardan talab qilinadigan narsa bu shijoat, bilim va harakat ekanini ta’kidladi.

Prezidentimiz Shavkat Mirziyoyevning Oliy Majlisga yo‘llagan Murojaatnomasi, Ilm, ma’rifat va raqamli iqtisodiyotni rivojlantirish yili mazmun-mohiyati haqida so‘z bordi.

Ushbu uchrashuv Toshkent davlat iqtisodiyot universiteti Samarqand filiali “Iqtisodiyot” fakulteti yoshlarning o‘z iqtidor va salohiyatlarini yuzaga chiqarish, yoshlar bilan yanada yaqin bo‘lish, ular ichiga kirib borish, ularning muammolarini o‘rganish hamda kelajakda maqsadida tashkil etildi.

Ma’ruzalardan so‘ng, raxbar va talabalar o‘rtasida ochiq muloqot bo‘lib o‘tdi. Ochiq muloqot davomida talaba-yoshlar o‘zlarini qiziqtirgan savollar, mavjud muammolar, va takliflari bilan rahbarlarga bevosita murojaat etdilar.

Do‘stona o‘tgan uchrashuvga yig‘ilgan talabalar o‘zlarining fikr-mulohazalari, yutuqlari va kelajakdagi rejalari haqida gapirdilar.