Aziz va muhtaram Toshkent davlat iqtisodiyot universiteti Samarqand filiali jamoasi, hurmatli Ustozlar, qadrli hamkasb do‘stlar, aziz talabalar!
Muhtaram Prezientimiz Shavkat Miromonovich Mirziyoevning
2019 yil 11 yanvarida Samarqand shahriga tashriflarida, faollar yig‘ilishida Samarqandda Toshkent davlat iqtisodiyot universitetining filialini ochish bo‘yicha ko‘rsatma va topshiriqlar berdilar. Shundan keyin barcha tashkiliy-iqtisodiy shart-sharoitlar o‘rganilib, ko‘rib chiqilib, O‘zbekiston Respublikasi Vazirlar Mahkamasining 28 maydagi 438-qarori bilan Toshkent davlat iqtisodiyot universitetining Samarqand filiali tashkil etildi.
Buni qaranki, bugun Filialimiz tashkil topganligiga ham 1 yil to‘libdi, filialda qisqa vaqt ichida Yoshlar bilan ishlash, ma’naviyat va ma’rifat bo‘limi talaba-yoshlar, hamkor tashkilotlar bilan birgalikda milliy bayramlar, tarixiy sanalar va buyuk ajdodlarning tavallud ayyomlarini nishonlashga qaratilgan 40 ortiq davra suhbatlari, uchrashuvlar hamda “Direktor va talaba-yoshlar” uchrashuvi, “Odam savdosi”, “Diniy ekstremizm va terrorizm - jamiyat taraqqiyoti kushandasi”, “Ommaviy madaniyat va yoshlar tarbiyasi”, “Biz kim edigu bugun kim bo‘ldik?” va “Ertaga kim bo‘lishimiz, qanday yangi marralarni egallashimiz kerak?” hamda “Yoshlarni turli ma’naviy tahdidlar va informatsion xurujlardan himoya qilishning dolzarb masalalari” kabi mavzularda 75 dan ortiq uchrashuv va davra suhbatlari tashkil etildi.
Hurmatli Ustozlar, qadrli hamkasb do‘stlar, aziz talabalar sizlarni
2020 yil 28 may Toshkent davlat iqtisodiyot universiteti Samarqand filiali tashkil topganligining 1 yilligi munosabati bilan chin dildan tabriklayman.
Mamlakatimizda ilm-fanni yanada ravnaq toptirish, yoshlarimizni chuqur bilim, yuksak ma’naviyat va madaniyat egasi etib tarbiyalash, raqobatbardosh iqtisodiyotni shakllantirish borasida boshlagan ishlarni jadal davom ettirish maqsadida olib borayotgan ulkan ishlaringizga zafarlar tilayman.
Sizlarga mustahkam sog‘lik, oilalaringizga tinchlik va xotirjamlik, ilmiy-pedagogik faoliyatlaringizda yangi yutuqlar doimo hamroh bo‘lishini tilab qolaman.
Toshkent davlat iqtisodiyot universiteti
Samarqand filiali Yoshlar bilan ishlash,
ma’naviyat va ma’rifat bo‘limi boshlig‘i Y.Yu. Isomiddinov