Bugungi kunda yoshlarni toʻgʻri yoʻldan ozdirishga harakat qilayotgan turli buzgʻunchi gʻoyalarga qarshi immunitetni shakllantirish, zarur vaqtda ana shunday kuchlarga qarshi maʼrifat ilmi bilan qarshi kurashishlari uchun yoshlarmiz salohiyatini yanda oshirish maqsadida Toshkent davlat iqtisodiyot universiteti Samarqand filialida “Ekstremizm va terrorizm – yoshlar kelajagiga tahdid” mavzusida Samarqand viloyat Davlat xavfsizlik xizmati hamda Samarqand viloyat Ichki ishlar xodimlari ishtirokida davra suhbati o’tkazildi. 

Samarqand viloyat IIB Terrorizm va ekstremizmga qarshi kurashish boshqarmasi katta tezkor vakili kapitan Sh.A.Nabiyev 

-Bugungi kunda diniy ekstremizm butun jahonda davrning eng global muammolaridan biriga aylanayotgani. Ayniqsa, yoshlar oʻrtasida diniy ekstremizm bilan bogʻliq muammolar oʻzining salbiy oqibatlarini keltirib chiqarayotganligi har birimiz xushyor boʻlishimiz kerakligi hamda yoshlarni diniy tashkilotlarga jalb etish, shuningdek, ularning ixtiyoriga, ota-onalari yoki ularning oʻrnini bosuvchi shaxslar ixtiyoriga zid tarzda dinga oʻqitishga yoʻl qoʻymaslik bugungi kunning eng dolzarb masalalaridan biri boʻlayotgani. Ushbu qoidaning buzilishiga aybdor boʻlgan shaxslar qonun oldida javobgarlikka tortilishi muqarrarligi. Respublikamizda yoshlarni ilm-maʼrifatli, turli sohalarda yetuk mutaxassis, jismonan barkamol inson boʻlib yetishishlari uchun qulay sharoitlar yaratib berilgani. Mazkur imkoniyatlardan toʻla-toʻkis foydalanish, jamiyat va davlat uchun fidokor shaxs boʻlish har bir yoshning burchi ekani. Buning uchun esa, ular avvalo, dunyoviy va kasb fanlarini chuqur oʻzlashtirish, shuningdek, oʻzbek xalqining mehnatsevarlik, oilani muqaddas bilish, insonlarga mehribonlik, doʻstlarga sadoqat, vatanparvarlik kabi tarixan eʼzozlab kelinayotgan qadriyatlarini oʻzida shakllantirishi talab etilishi borasida tuxtalib, Oʻzbekiston Respublikasi Prezidenti Shavkat Mirziyoyev oʻtgan yil sentyabr oyida Birlashgan Millatlar Tashkiloti Bosh Assambleyasining 72-sessiyasidagi nutqida “Bizning asosiy vazifamiz – yoshlarning oʻz salohiyatini namoyon qilishi uchun zarur sharoitlar yaratish, zoʻravonlik gʻoyasi “virusi” tarqalishining oldini olishdir”, - deya taʼkidlab oʻtgandi. Shu maʼnoda davlatimiz rahbari tomonidan mamlakatlarga BMTning Yoshlar huquqlari toʻgʻrisidagi xalqaro konvensiyasini ishlab chiqish hamda BMT Bosh Assambleyasining “Maʼrifat va diniy bagʻrikenglik” deb nomlangan maxsus rezolyutsiyasini qabul qilish taklifni berganligini takidlab gapirib oʻtdi. 

Shundan soʻng Samarqand viloyat Ichki ishlar boshqarmasi xodimlari tomonidan olib kelingan “Taffakur ehtiyoji” deb nomlangan film nomoyish etildi.

Jumladan diniy ekstremizmga qarshi kurashish borasida amalga oshirilayotgan ulkan ishlar xususida tez-tez tadbirlar, davra suhbatlari oʻtkazish foydadan holi boʻlmaydi deya ta’kidlaydi,- filialning Yoshlar bilan ishlash, maʼnaviyat va maʼrifat boʻlimi boshligʻi Y.Isomiddinov