Samarqand shahar buyicha IIO FMBda “Kitob – inson maʼnaviyati poydevori” mavzusida “Maʼnaviyat va maʼrifat darsi” boʻlib oʻtdi.Unda Samarqand shahar buyicha IIO FMB tarkibiy boʻlimlari va sohaviy xizmatlar xodimlari hamda Toshkent davlat iqtisodiyot universiteti Samarqand filiali, Tabiiy ijtimoiy fanlar va jismoniy madaniyat kafedrasi oʻqituvchisi Isomiddinov Yoʻldosh Yusubboyevich ishtirok etishdi.

Tadbirda soʻz olganlar kitob zamonlar dengizida sayohat qilayotgan va oʻzining qimmatbaho yukini avlodlardan-avlodlarga tashiyotgan hikmat kemasi ekanligi, kitobni bejiz oftobga qiyoslamanmassligini taʼkidlashdi. Negaki, quyosh butun olamni oʻz nurlari bilan yoritganidek, kitob ham ilm va maʼrifat ziyolari bilan inson qalbini munavvar etadi. Sababi, jamiki yaxshi fazilatlar inson ongiga kitoblar orqali singdiriladi. Ulugʻ alloma ajdodimiz Shayx Najmiddin Kubro “Kitob — sahroda doʻst, hayot yoʻllarida tayanch, yolgʻizlik damlarida yoʻldosh, baxtiyor daqiqalarda rahbar, qaygʻuli damlarda madadkor, odamlar orasida zeb-u ziynat, dushmanlarga qarshi kurashda quroldir” deb bejizga taʼkidlamagan.

Mamlakatimizda kitob va kitobxonlikni rivojlantirish maqsadida. Prezidentimizning qator farmon va qarorlari qabul qilingan. Vazirlar Mahkamasining qarori bilan esa 2020–2025-yillarda kitobxonlik madaniyatini rivojlantirish va qoʻllab-quvvatlash milliy dasturi tasdiqlangan.