Toshkent davlat iqtisodiyot universiteti Samarqand filialida ma’naviy ma’rifiy tadbir o’tkazildi. Tadbir davomida Biologiya fanlari doktori, akademik Respublika oliy taʼlim kengashi aʼzosi B.Zaripov talaba yoshlarga o’z fikr mulohazalarini bayon etdi

– Har bir davlatning barqaror taraqqiyotini taʼminlashda asosiy poydevor – inson omili, uning intellektual salohiyati bilan uzviy bogʻliq. Shu nuqtai nazardan, mamlakat aholisining katta qismi zamonaviy bilim va koʻnikmalarga ega yoshlardan iborat. Mamlakatimiz kelajagi boʻlgan yoshlarning huquqiy va ijtimoiy himoyasini taʼminlash, ularga oʻz intilish va qobiliyatlarini roʻyobga chiqarish, jamiyat va davlat rivojiga munosib hissa qoʻshishlari uchun yaratilgan imkoniyat – yurtimizda amalga oshirilayotgan yoshlarga oid davlat siyosatining asosiy ustuvor maqsadlaridan biridir.

Mamlakatimizda shiddatli ravishda xalq va jamiyat manfaatlarini hisobga olgan holda amalga oshirilayotgan islohotlar talablariga muvofiq ijtimoiy-iqtisodiy hayotning oʻzgarib boruvchi sharoitlariga insonlarni va ayniqsa yoshlarni tayyorlash, ularning kasbiy bilimlarini muntazam ravishda oshirib borishni yoʻlga qoʻyish, tadbirkorlik-tashabbuskorligini qoʻllab-quvvatlash, ularning tadbirkor sifatida iqtisodiy-ijtimoiy nuqtai-nazarini ishlab chiqishga qaratilgan bilimlarini muntazam ravishda oshirib borish, kelajak rejalarini amalga oshirishga qaratilgan biznes loyihalariga innovatsion loyihalarni joriy qilishni nazarda tutgan bilimlarini yuksaltirish oʻz navbatida ularning ijtimoiy manfaatlarini, ehtiyojlarini, kelajakdagi istiqbollarini belgilab olish va roʻyobga chiqarish shiddatli ravishda amalga oshirilayotgan islohotlarning talabi toʻgʻrisida gapirib, hozirgi kunda iqtisodiyot sohasida hamda yurtimizda korrupsiyaning oldini olish boʻyicha amalga oshirilayotgan ishlar toʻgʻrisida maʼlumotlar berib oʻtdi. Tadbir davomida OOʻMTV BIMM boʻlim boshligʻi O.Murodov soʻzga chiqib Oʻzbekiston Prezidenti Shavkat Mirziyoyevning 24 yanvar kuni Oliy Majlisga murojaatnomasida davlat rahbarining yoshlarga eʼtibor berilayotganligi hamda joriy oʻquv yilidan boshlab mutlaqo yangi professional taʼlim tizimi yoʻlga qoʻyilishi, kadrlar malakasini xalqaro mehnat bozori talablariga moslashtirish maqsadida milliy malaka tizimi ishlab chiqilishi va ushbu tizimga 9 mingga yaqin kasblar boʻyicha kadrlar tayyorlash imkonini berilishi toʻgʻrisida tuxtalib oʻtdi.