Joriy yilning 15 martidan 31 maygacha Toshkent davlat iqtisodiyot universiteti Samarqand filialida 2024/2025 o‘quv yili uchun Germaniya, Latviya va Malayziya davlatlari bilan hamkorlikda bakalavriat va magistratura ta’lim yo‘nalishlari hamda mutaxassisliklari bo‘yicha qo‘shma ta’lim dasturlariga qabul amalga oshirilmoqda.

Toshkent davlat iqtisodiyot universiteti Samarqand filialining qo'shma ta'lim dasturlariga www.MenTalaba.uz havolasi orqali onlayn hujjat topshirishingiz mumkin.

Eslatib o'tamiz, TDIU Samarqand filialida Germaniya, Latviya va Malayziya universitetlari bilan hamkorlikda 5 ta bakalavriat hamda 1 ta magistratuta yo'nalishlarida qo'shma ta'lim dasturlari mavjud.

Bakalavriat

Germaniya Federativ Respublikasining Vayenshtefan-Triyezdorf amaliy fanlar universiteti bilan hamkorlikda:

“Iqtisodiyot (Oziq-ovqat tizimlarini boshqarish)” qo‘shma ta’lim dasturi (qabul kvotasi 25 o‘rin). O‘qish muddati 4 yil (2,5+1,5).

Ta’lim tili – O‘zbekistonda o‘zbek tili, Germaniyada nemis tili. Kirish imtihon bloklari: biologiya, matematika, ingliz tili.

Latviya amaliy bilimlar va texnologiyalar universiteti bilan hamkorlikda:

A) “Iqtisodiyot” (Barqaror iqtisodiyot va hududiy rivojlanish) qo‘shma ta’lim dasturi (qabul kvotasi 25 o‘rin). O‘qish muddati 4 yil (2+2).

B) “Axborot tizimlari va texnologiyalari (Raqamli boshqaruv va barqaror rivojlanish)” qo‘shma ta’lim dasturi (qabul kvotasi 25 o‘rin). O‘qish muddati 4 yil (2+2)

Ta’lim tili – O‘zbekistonda o‘zbek tili, Latviyada ingliz tili. Kirish imtihon bloklari: matematika, ingliz tili.

Malayziyaning Linkoln Universitet Kolleji bilan hamkorlikda:

A) “Raqamli iqtisodiyot (Bachelor in Business Administration)” qo‘shma ta’lim dasturi (qabul kvotasi 25 o‘rin). O‘qish muddati 4 yil (2+2).

B) “Buxgalteriya hisobi va audit (Bachelor of Business Administration in Accounting)” qo‘shma ta’lim dasturi (qabul kvotasi 25 o‘rin). O‘qish muddati 4 yil (2+2).

Ta’lim tili – O‘zbekistonda o‘zbek tili, Malayziyada ingliz tili. Kirish imtihon bloklari: matematika, ingliz tili.

Magistratura

Malayziyaning Linkoln Universitet Kolleji bilan hamkorlikda:

“Iqtisodiyot (Master of Business Administration in Islamic Banking)” qo‘shma ta’lim dasturi (qabul kvotasi 8 o‘rin). O‘qish muddati 2 yil (1+1).

Ta’lim tili – O‘zbekistonda o‘zbek tili, Malayziyada ingliz tili. Kirish imtihon bloklari: matematika, ingliz tili.

Ushbu qo‘shma ta’lim dasturlarida ta’lim olishni istaganlar Toshkent davlat iqtisodiyot universiteti Samarqand filialining rasmiy veb sahifasi orqali (www.sbtsue.uz) tegishli ma’lumotlarni kiritishlari va quyidagi xujjatlarning elektron nusxalarini (skanerlangan, fotosurat emas) PDF shaklida yuklashlari talab etiladi.

1. Attestat yoki diplom (magistratura uchun bakalavr diplomi), olingan baholar ilovasi bilan;

2. Milliy pasport yoki ID karta (bosh sahifasi va turar joyda ro‘yxatga olinganlik belgisi).

Murojaat uchun telefon:

+998662373200

+998941707055