Toshkent davlat iqtisodiyot universiteti Samarqand filialining Yoshlar bilan ishlash, ma’naviyat va ma’rifat bo‘limi, hamda tibbiyot xodimlari tashabbusi bilan filial talabalari bilan uchrashuv tashkil etildi. Uchrashuvni tashkil etishdan maqsad hozirda jahon miqiyosida dolzarb mavzu bo'lgan, omma e'tiborini o'ziga jalb etayotgan Xitoy xalq Respublikasida tarqalgan “Koronavirus”dan saqlanish, himoyalanish hamda uning oldini olish bo‘ldi.

Uchrashuv davomida koronavirusning o‘tkir pnevmoniya bilan asoratlanishi, ko‘krak qafasi rentgenografiyasida o‘choqli yoki interstitsial inflatratlar aniqlanishi, og‘ir hollarda nafas olish holatlari yomonlashib, ikkinchi xaftada kasallik respirator distress-sindrom rivojlanishi, kattalarda bu turli a’zolar disfunksiyasi bilan kuzatilishi mumkinligi hamda ba’zi bo‘yin linfa tugunlari kattalashishi mumkinliklari to‘g‘risida gapirildi. Shu bilan birgalikda tibbiyot xodimlar virusning klinikasi haqida ham to'xtalib o'tishda

-Kasallik klinikasi virus yuqqandan so‘ng 2/4 kun o‘tgandan keyin namoyon bo‘ladi. Kasallik o‘tkir, tana haroratining oshishi, yaqqol rivojlanmagan umumiy zaharlanish belgilari bilan boshlanadi. Shuningdek, bolalarda nafas olganda ko‘krak qafasida og‘riq, yo‘tal, quruq hushtaksimon xirillashlar eshitiladi.