Toshkent davlat iqtisodiyot universiteti Samarqand filialining ijtimoiy tarmoqlardagi rasmiy sahifalarida talaba-qizlarni bo‘sh vaqtlarini mazmunli tashkil etish maqsadida ularning qobiliyati, iste‘dodini rivojlantirish, ularni har tomonlama hayotga tayyorlash, talabalar o‘rtasida milliy taomlarni keng targ‘ib qilish maqsadida "Buxgalteriya hisobi va moliya" fakulteti tomonidan talabalar turar joyida "Osh chempionati" o‘tkazilishi bo‘yicha e‘lon joylashtirilgan edi. (https://t.me/TDIUSamfilial/17075).
Shu munosabat bilan joriy yilning 25-yanvar kuni Toshkent davlat iqtisodiyot universiteti Samarqand filiali "Buxgalteriya hisobi va moliya" fakulteti tomonidan talabalar turar joyida "Osh chempionati" tashkil etildi. Unda talabalar o‘rtasidan 5 ta jamoa va fakultet kafedralaridan 3 ta jamoalar ishtirok etishdi. Tanlov yakunida hakamlar hay’ati tomonidan jamolarning osh tayyorlash  jarayaonlari va mahoratlari munosib taqdirlandi: Xalqimiz orasida “Mehmon kelsa pastga tush, palov bersa ahdga tush” degan naql bor. Darhaqiqat ushbu taom juda qadimgi milliy taomlarimizdan biri hisoblanadi. Ba’zi manbalarga ko’ra, palovning tayyorlanish uslubi eramizdan avvalgi 2-3-asrlarda qadimgi O’rta Osiyo va Yaqin Sharq xalqlari orasida ommabop hisoblanadi…
Palovxonto'ra bahona madaniy hordiq, doʻstona suhbat, ustozlarning tashrifi tadbirga oʻzgacha shukuh bagʻishladi… Hakamlar hayʼati kafedralar o‘rtasida   ishtirokchilarning qozon-oʻchoqlari atrofi tozaligi, ishlash tartibi, masalliqlarning tarkibi, ularni toʻgʻri tayyorlash, ijodkorligi va taom taqdimoti, sifati hamda koʻrsatkichlari boʻyicha baholab, g‘olib bo‘lgan hamda faol ishtirok etgan yoshlarni taqdirlashdi. Bellashuv nafaqat talabalarni xursand qilish balki barcha yoshlarni oshpazlik borasidagi mahoratlarini ham sinovdan o‘tkazish bo‘ldi...  Kafedralar o‘rtasida “Buxgalteriya hisobi va statistika” kafedrasi, “ O‘zbek tili va xorijiy tillar” kafedrasi va “Moliya, soliq va bank ishi” kafedralari professor o‘qituvchilari o‘z tashabbuslari bilan faol ishtirok etishdi va tashakkurnomalar bilan taqdirlandi.
Talabalar o‘rtasida esa:
1-o‘rin “Best of the best” jamoasi 
2- o‘rin “Xorazmlik yigitlar” va “Oshpaz bankirlar”jamoasi
3-o‘rin “Statistika” va “Hisobchi” jamoalari egallashdi.
G‘olib jamoalar filial rahbariyati tomonidan esdalik sovg‘alari va diplomlar bilan taqdirlandi.