Jomboy tuman mahallalarida "Yangi hayot uchun, Yangi O‘zbekiston uchun" shiori ostida "Mahallada duv-duv gap" targ‘ibot tadbirlari o‘tkazilmoqda. Ushbu tadbirlarni samarali o‘tkazish, yurtimizda amalga oshirilayotgan keng ko‘lamli islohotlarni xalqimizga yetkazishda Toshkent davlat iqtisodiyot universiteti Samarqand filiali ham mas‘ul tashkilot va muassasalaridan biri etib belgilangan. 
2024-yil 3-yanvar kuni Jomboy tuman 2-son kasb-hunar maktabida "Kattaqishloq" mahallasi fuqarolari, ziyolilar ishtirokida o‘tkazilgan xuddi shunday targ‘ibot tadbirida filialimiz vakillari hamda professor-o‘qituvchilari ham faol ishtirok etishdi. Tadbirda olim, ijodkorlar, maʼrifat targʻibotchilari, yurtimizda maʼnaviy-maʼrifiy sohada olib borilayotgan ishlarning maqsadi toʻgʻrisida aholi, ayniqsa yoshlarning madaniyatini yanada oshirish, tinch va farovonlik neʼmatlariga shukronalik, daxldorlik hissi bilan yashashga qaratilgan maʼruzalari bilan chiqish qildilar. Jumladan, so‘zga chiqqan Jomboy tuman hokimi  Q.H.Sobirov, O‘zbekiston yozuvchilar uyushmasi a‘zosi Yo.Rustamov, Jomboy tuman faollari O.Xoljigitov va H.O‘sarovalar, TDIU SF kafedra mudiri O‘.J.Xudayarovlar tomonidan Prezidentimiz boshchiligida mamlakatimizda amalga oshirilayotgan ulkan islohotlar va ularning natijadorligiga to‘xtalib o‘tishdi. Jamoatchilik faollari, nuroniylar, ijodkorlar o‘z fikr va mulohazalarini bildirishdi.
Tadbir davomida konsert dasturi ham namoyish etildi.