2023 -yil , 27-dekabr kuni TDIU Samarqand filialida O'zbekiston Ekologik partiyasining 5 yilligiga bag'ishlab, Oʼzbekiston Ekologik partiyasi Samarqand viloyati Kengashi yig'ilishi bo’lib o’tdi.

Tadbir avvalida Аbdullaev Baxtiyor Nosirovich – viloyat partiya tashkiloti raisi so‘zga chiqib, partiya tomonidan atrof-muhitni muhofaza qilish, aholining ekologik madaniyatini yuksaltirish, “Yashil makon” umummilliy loyihasini amalga oshirish bo‘yicha  o‘tgan yillar mobaynida qilingan ishlar, amalga oshirilgan loyihalar, deputatlar faoliyati yuzasidan ma’lumot berdi.

Shuningdek tadbirda, . viloyat Kengashi deputati Аxrorov Farxod Baxriddinovich, Samarqand viloyati Ekologiya, atrof-muhitni muhofaza qilish va iqlim oʼzgarishi boshqarmasi boshligʼi Shermamatov Kamoliddin Maʼmurovich, hamda shoira, Oʼzbekistonda xizmat koʼrsatgan madaniyat xodimi Bobomurodova Xosiyat so’zga chiqishdilar. Nutqlarda ta’kidlanganidek, O‘zbekiston Ekologik partiyasi 2019 yil 8 yanvarda siyosiy maydonga chiqib, barcha darajada bo‘lib o‘tgan davlat hokimiyati organlari saylovlarida o‘z nomzodlari bilan ishtirok etib kelmoqda. O‘tgan qisqa davr mobaynida eng yosh partiya bo‘lishiga qaramasdan, partiya tashkiliy jihatdan va siyosiy tomondan ancha jipslashdi, siyosiy maydonda obro‘ va e’tiborga ega bo‘ldi.

Tadbirda Oʼzbekiston Ekologik partiyasi Samarqand viloyati Kengashi xodimlari, Samarqand shahridagi Oliy taʼlim muassasalari vakillari, Xalq deputatlari viloyat, shahar va tuman Kengashi deputatlari, Samarqand viloyat Ekologiya, atrof-muhitni muhofaza qilish va iqlim oʼzgarishi boshqarmasi, OʼzNNTMА Samarqand boʼlinmasi, ekolog olimlar, sogʼliqni saqlash, suv taʼminoti, muassasasi xodimlari, ekofaollar, keng jamoatchilik va OАV vakillari qatnashishdi.

Tadbir so'ngida Ekologiya sohasida fidoyilik koʼrsatgan  bir guruh faollarga, deputatlarga, O‘zbekiston Ekologik  partiya tashkiloti Kengashining tashakkurnomasi hamda esdalik sovg‘alari topshirildi.