O'’zbekiston Respublikasi Vazirlar Mahkamasining 2019-yil 28-maydagi 438-son qaroriga binoan Toshkent davlat iqtisodiyot universiteti Samarqand filiali tashkil etilib, Vazirlar Mahkamasining 17-avgust 2019-yil №682-qarori asosida Samarqand shahar Professorlar ko’chasi 51-uy manzilida joylashgan Samarqand Moliya va iqtisodiyot kolleji bino va inshootlari tegishli hududi bilan birgalikda Toshkent davlat iqtisodiyot universiteti Samarqand filialiga foydalanish uchun topshirildi.

 Iqtisodiyot tarmoqlarini talablari asosida 6 ta yangi ta’lim yo’nalishi bo’yisha kadrlar tayyorlash yo’lga qo’yildi. 1 ta fakultet va 2 ta kafedrada 29 nafar professor-o’qituvchilar 225 nafar talabalarga zamon talablariga mos ravishda ta’lim berib kelishmoqda. Ta’lim sifatini oshirish maqsadida professor-o’qtuvchilar safiga 17 nafar yoshlar jalb etilgan bo’lib ulardan 8 nafari xorijda malaka oshirgan, 9 nafari xorijda tahsil olgan malakali kadrlar hisoblanadi. Toshkent davlat iqtisodiyot universiteti Samarqand filiali ilmiy salohiyati 52,7%ni tashkil etib, kelgusi yilda ilmiy salohiyatni yanada oshirish maqsadida ilmiy faoliyat bilan shug’ullanayotgan izlanuvchilar jalb qilinmoqda. Talabalarning zamonaviy ta’lim olishida qulaylik yaratish maqsadida o‘qitiladigan mavjud fanlarning o’quv-uslubiy majmualari 100% elektron ko’rinishga o’tkazildi.

Shuningdek filialda hamkorlik borasida ham bir qancha yutuqlarga erishildi. Jumladan, Germaniyaning Veyenshtefan-Trizdorf amaliy bilimlar universiteti bilan hamkorlikda qo’shma ta’lim dasturlari asosida 1 ta ta’lim yo’nalishi bo’yicha kadrlar tayyorlash yo’lga qo’yildi. Latviya Amaliy Bilimlar va texnologiyalar universiteti rektori Irina Pilvere bilan 2019-yil 7-oktabrdagi hamda ushbu universitet vakillarining 2019-yil 17-dekabrdagi tashriflari  bo’yicha “O’zaro anglashuv memorandumi”, “Raqamli iqtisodiyot va texnologiyalari” “Iqtisodiyot“ ta’lim yo’nalishlarida “2+2” qo’shma dasturlarini yo’lga qo’yish hamda Erasmus+ dasturida xalqaro ta’lim loyhalarini amalga oshirish, xalqaro hamkorlikni kuchaytirish, talabalar almashinuv dasturini keng joriy qilish hamda kadrlar salohiyatini yanada oshirishga kelishildi. Shuningdek, ushbu dasturlar orqali Markaziy Osiyodan talabalarni Samarqandga o’qishga jalb etish masalalari ko’rib chiqilmoqda. Yaponiya Xirosaki universiteti bilan Oliy ta’limga oid xalqaro loyhalarni amalga oshirish, talabalar almashinuv dasturini joriy qilish kabi istiqbolli rejalarini amalga oshirish ko’zda tutilgan.

Prezidentimiz Shavkat Mirziyoyev tomonidan ilgari surilgan 5 muhim tashabbus doirasida ham maqsadli ishlar amalaga oshirildi. Toshkent davlat iqtisodiyot universiteti Samarqand filiali yoshlarining musiqa, rassomlik, adabiyot, teatr va san’atning boshqa turlariga qiziqishlarini oshirishga, iste’dodini yuzaga chiqarishga xizmat qiladigan, yoshlarni jismoniy chiniqishlari, ularning sport sohasida qobiliyatini namoyon qilishlari uchun mavjud sharoitar yaratilgan. Kompyuter texnologiyalari va internetdan samarali foydalanishni tashkil etish maqsadida tizimli ishlar amalga oshirilmoqda. Yoshlar ma’naviyatini yuksaltirish, ular o’rtasida kitobxonlikni keng targ’ib qilish, hamda xotin-qizlarni ish bilan ta’minlash va ularga kasb-hunarlarini o’rgatuvchi xonalar tashkil qilish ham rejalarda turgan asosiy vazifalardan biridir. Talabalarning qiziqishlarini qo’llab quvvatlagan holda filialda 1 ta “Talabalar teatr studiyasi” 1 ta “Quvnoqlar va zukkolar”klubi faoliyati yo’lga qo’yildi. “Jismoniy tarbiya va sport- salomatlik garovi”shiori ostida sport o’yinlari tadbirlari tizimli ravishda tashkil etildi.

“Azim shahrim - Samarqand” shiori ostida Samarqand oily ta’lim muassasalari o’rtasida o’tkazilgan tanlovda filialning 10 dan ziyod iqtidorli yoshlari ishtirok etib, “Shaxmat-shashka” musobaqasi bo’yicha 1-3 o’rinlarni, “It competition” bo’yicha 1-3 o’rinlarni qo’lga kiritishdi. Jamiyat taraqqiyotiga befarq bo’lmagan faol va intiluvchan filial talabasi Nomozova Madina Samarqand viloyati “Qizlar ovozi” kordinatori etib saylandi. Violyatimiz miqyosida o’tkazilgan “Biz korrupsiyaga qarshimiz!” shiori ostidagi insholar tanlovida birinchlikni qo’lga kiritib Adliya boshqarmasi tomonidan Diplom va esdalik sovg’alari bilan taqdirlandi.

2020-yil amalga oshirilishi rejalashtirilgan ishlar borasida ham to’xtalib o’tadigan bo’lsak:

   Talabalar soni 225 nafardan 685 nafarga oshiriladi. Professor-o’qituvchilar safida 14 nafar yoshlar, 5 nafar xorijda tahsil olganlar tashkil etadi, Ishlab chiqarish sohasidagi malakali mutaxassislardan 4 nafari dars jarayonlariga jalb etiladi. Iqtisodiyot tarmoqlarini talablari asosida 3 ta yangi ta’lim yo’nalishlari va 1 ta magistratura mutaxassisligi bo’yicha kadrlar tayyorlash yo’lga qo’yiladi.

Buyuk Britaniyaning Vritl universitet koleji bilan “Agrobiznes”, Latviya hayotiy fanlar universiteti bilan “Raqamli iqtisodiyot: kommersiya” bakalavriat yo’nalishlari, hamda Janubiy Koreyaning Kangvon Milliy universiteti bilan “Oziq-ovqat xavfsizligi va iqtisodiyoti”, Germaniyaning Gissen universiteti bilan “O’tish davri menejmenti” magistratura mutaxasisliklari bo’yicha qo’shma dasturlar asosida o’qitish tashkil etiladi. Talabalarda amaliy ko’nikmalarni shakllantirishga asosiy e'tiborni qaratish maqsadida o’quv jarayoni kredit-modul tizimida takshil etiladi. Ishlab chiqarish korxona va tashkilotlarida mutaxassislik kafedralaridan 2 tasining filiallari tashkil etilib, 2 ta ta’lim yo’nalishi talabalarining umumkasbiy va mutaxassislik fanlaridan dars jarayonlari yo’lga qo’yiladi.Yevropa Ittifoqining yetakchi universitetlari va ish beruvchilari bilan talabalar malakaviy amaliyoti tashkil etiladi. Davlat ta’lim standartlari, malaka talablari, o’quv rejalari va fan dasturlari qayta ishlab chiqiladi va amaliyotga joriy etiladi. Bunda asosiy ixtisoslik va maxsus fanlar yuklamalariga e’tibor qaratiladi.

Sarvinoz Tursunova

https://t.me/TDIUSamfilial