2019-yil 17-dekabr kuni Toshkent davlat iqtisodiyot universiteti Samarqand filialiga Latviya amaliy bilimlar va texnologiyalar universiteti delegatsiyasi tashrif buyurdi. Uchrashuvdan ko`zlangan asosiy maqsad filial hamda Latviya amaliy bilimlar va texnologiyalar universiteti o`rtasida xalqaro hamkorlik aloqalarini o`rnatish, birgalikda ilmiy va ta’lim loyihalarini amalga oshirish, talabalar va professor-o’qituvchilar almashinuv dasturlarini joriy qilishdan iborat.
Uchrashuv davomida delegatsiya a’zolari va filial rahbariyati “Raqamli iqtisodiyot va texnologiyalar” yo’nalishida qo`shma ta’lim dasturi tuzish doirasida muzokaralar o’tkazishdi. Shuningdek, Latviya amaliy bilimlar va texnologiyalar universiteti hamda TDIU Samarqand filiali o’rtasida anglashuv memorandumi imzolandi.
