Toshkent davlat iqtisodiyot universiteti  Samarqand filialidagi  iqtidorli talabalar  bitiruvchilari bilan viloyat hokimligi tashkiliy-kadrlar guruhi rahbari Behzod Rahmatullayev uchrashuv o’tazdi.

Joriy yilning 15- iyun kuni TDIU Samarqand filialiga viloyat hokimligi tashkiliy-kadrlar guruhi rahbari Behzod Rahmatullayev ishtirokida filial talaba -yoshlari bilan  uchrashuv oʻtkazildi. Uchrashuvda Filial direktori, professor O.Murtazayev so’zga chiqib, bugungi zamon talabiga javob beradigan , chuqur bilimli iqtidorli yoshlarni  o’z kasbini egasi bo‘lgan mutaxassislarni tayyorlash mamlakat iqtisodiy-ijtimoiy taraqqiyotiga munosib hissa qo‘shishi  haqida ta’kidlab o’tdilar.

Uchrashuvdan ko‘zlangan asosiy maqsad o‘z yo‘nalishida kuchli bilim va salohiyatga ega bo‘lgan bitiruvchilarni ish bilan ta’minlash, ularni davlat boshqaruvining turli sohalarida faoliyat olib borishga jalb qilishdan iborat.

     Uchrashuvda Samarqand viloyat hokimligi tashkiliy kadrlar guruhi rahbari Bekzod Rahmatullayev yetuk salohiyatga ega bo‘lgan sifatli kadrlarni yetishtirish davrning asosiy talabi ekanligini ta’kidlab, bugungi zamon talabiga javob beradigan, chuqur bilim va salohiyat egasi bo‘lgan mutaxassislarni tayyorlash mamlakat iqtisodiy-ijtimoiy taraqqiyotiga munosib hissa qo‘shish, iqtisodiyot va xalq xo‘jaligining rivojlanishdan ortda qolayotgan sohalarni takomilga yetkazishda nihoyatda ahamiyatli bo‘lishini aytib o‘tdi:

 – Viloyatda har yili viloyat oliy ta’lim muassasalari bitiruvchilari orasidan bilimli, chuqur salohiyatli talabalarni ajratib olib hokimlikning zaxira kadrlar guruhi shakllantiriladi hamda tegishli sohalarda ish bilan ta’minlanadi. Samarqand viloyati hokimligi uchun Samarqand davlat universiteti kadrlar zaxirasini yaratib beradigan asosiy oliy ta’lim muassasasi hisoblanadi. Bugungi uchrashuv yoshlarning o‘z karyeralarini shakllantirish va davlat tashkilotlarida faoliyatlarini boshlash yo‘lida o‘ziga xos qadam bo‘ladi.

  Bitiruvchilarning istiqbolli zaxira guruhi, avvalo, o‘z sohasida kuchli bilim, a’lo o‘zlashtirishga ega bo‘lgan, mamlakatdagi islohotlardan xabardor bo‘lish bilan bog‘liq dunyoqarashi shakllangan, xorijiy tillarni bilish va xalqaro maydondagi axborotlardan foydalana olish ko‘nikmalarini egallagan, mustaqil fikrlaydigan, mas’uliyat va javobgarlikni teran anglay oladigan tashkilotchi, kirishimli talabalarni o‘z ichiga oladi. Mazkur islohot yoshlarni kelajakda davlat boshqaruvida faoliyat yuritish va rahbarlik lavozimlariga tayyorlashda muhim omil bo‘lishi shubhasiz.