Oʻzbekiston Respublikasi Prezidentining Farmoniga asosan 2022-2026-yillarga moʻljallangan “Yangi Oʻzbekistonning taraqqiyot strategiyasi”, “Insonga eʼtibor va sifatli taʼlim yili” dasturi yuzasidan belgilangan vazifalar ijrosini taʼminlash maqsadida Samarqand viloyati, Jomboy tumanidagi “SOF EXPO SAMARQAND” xalqaro koʻrgazmalar markazida joriy yilning 11-12-may kunlari “WORLD EDU-2023” xalqaro koʻrgazmasida bo‘lib o‘tdi.

Ushbu xalqaro ta‘lim koʻrgazmasida respublikamizdagi davlat va xususiy oliy taʼlim muassasalari va filiallari, hamda chet el oliy taʼlim muassasalari va filiallari  ishtirok etishdi. Shu jumladan Yevropa, Janubi-Sharqiy Osiyo, Rossiya Federatsiyasi, Belarus Respublikasi, Qozogʻiston, Qirg‘iziston, va boshqa davlatlarning yetakchi universitet vakillari tashrif buyurishdi. Ko‘rgazma ishtirokchilarini 10 ming nafardan ortig‘ini asosan viloyatdagi 73 ta maktab, litsey, professional taʼlim maktab bitiruvchilari, o‘quv markazlarida tahsil oluvchi yoshlar  tashkil etdi.

Toshkent davlat iqtisodiyot universiteti Samarqand filialidan ham mas’ullar xalqaro koʻrgazmada ishtirok etdi. Abiturient va ularninig ota-onalariga mavjud ta’lim yo‘nalishlari, filialda talabalarga yaratilgan sart-sharoitlar, imkoniyatlar haqida ma’lumotlar berildi. Ayniqsa o‘quvchilar ularni qiziqtirgan ta’lim sohasidagi xalqaro aloqalar va qo’shma ta’lim dasturlari bo‘yicha ma’lumotlarga ega bo‘lishdi. Filial jamoasi davlat va nodavlat OTM vakillari, xorijiy universitet mutaxassislari bilan bevosita muloqot olib borib, ta‘lim sohasida hamkorlikni yo‘lga qo‘yishni kelishib olishdi.